आमदार बाळासाहेब मुरकुटे यांचे गडाखांवर ‘सर्जिकल स्ट्राईक’

अहमदनगर : पोलीसनामा ऑनलाइन – ‘मला पुन्हा आमदार म्हणून संधी द्या. सोनईमध्ये नगरपंचायत करतो’, अशी घोषणा आमदार बाळासाहेब मुरकुटे यांनी केली. सोनईबाबत विधान करून त्यांनी गडाखांवर ‘सर्जिकल स्ट्राईक’ करण्याचा प्रयत्न केला आहे.

सोनई येथे आयोजित नेवासा तालुका विकास दिंडीची जाहीर सांगता सभेत ते बोलत होते. यावेळी बापूसाहेब शेटे, शेतकरी संघटनेचे अंबादास कोरडे, भाऊसाहेब पटारे, जिल्हा परिषद सदस्य दत्तात्रय काळे, अजित मुरकुटे, दादासाहेब कोकणे, ज्ञानेश्वर पेचे, दत्तात्रय लोहकरे,  प्रफुल जाधव, बाबासाहेब कांगुणे, कृष्णा परदेशी, उपस्थित होते. दरम्यान सभेआगोदर सोनई शहरातून विकास दिंडी रॅली काढण्यात आली.

यावेळी बोलताना आ.मुरकुटे म्हणाले की, गडाखांनी पन्नास वर्षात तालुक्यात काय दिवे लावले, याचे आत्मपरीक्षण करावे. त्यांना तालुक्यातील झालेला विकास दिसत नाही, मग त्यांना आंधळे नाही तर काय म्हणायचे? विकासदिंडीला गडाखांच्या मायभुमीत क्रांतिकारीच्या युवकांनी जाणीवपूर्वक त्रास दिल्याचे सांगत गडाखांना चांगले करता येत नाही, तर वाईट करण्याचे पाप ही त्यांनी करू नये.

पुत्रप्रेमापोटी जेष्ठ नेते ध्रुतराष्टाप्रमाणे डोळ्यावर पट्टी बांधल्याचे सोंग आणत दिशाभूल करत असून ही निती झुगारुन लावत पंतप्रधान नरेंद्र मोदी व मुख्यमंत्री देवेंद्र फडणवीस यांनाच साथ द्या, असे आवाहन आमदार बाळासाहेब मुरकुटे यांनी करत पाच वर्षात केलेल्या विकास कामाची माहिती दिली.  यावेळी भाजप तालुकाध्यक्ष ज्ञानेश्वर पेचे, अंकुश काळे, प्रकाश शेटे यांनी मनोगत व्यक्त केले.

Loading...
You might also like