पोलीसनामा ऑनलाइन टीम – बॉलिवूड स्टार सुशांत सिंह राजपूत आत्महत्या प्रकरणी मुंबई पोलीस विरूद्ध बिहार पोलीस असा वाद रंगला आहे. अशातच आता माजी मुख्यमंत्री देवेंद्र फडणवीस यांची पत्नी अमृता फडणवीस यांनी वादात उडी घेतली आहे. यानंतर अभिनेत्री रेणुका शहाणे हिनं अमृता यांना चांगलंच सुनावलं आहे.
सुशांत आत्महत्या प्रकरणावरून ट्विट करत अमृता यांनी मुंबई पोलिसांवर टीका केली होती. त्यांनी लिहलं होतं की, “सुशांत प्रकरणामुळं आता मुंबई शहर सुरक्षित राहिलं नाही. निष्पाप लोकांच्या बाबतीत इथं माणूसकी दाखवली जात नाही. मुंबईत स्वाभिमानी आणि साध्या लोकांचं जगणं सुरक्षित नाही” असं म्हणत अमृता यांनी वादाला तोंड फोडलं होतं.
रेणुका शहाणेनं अमृता यांच्या ट्विटचा समाचार घेत झापलं आहे. रेणुकानं लिहिलं की, “जिथं मुंबई शहरात लाखो लकांचे संसार चालतात, तिथं तुम्ही असं कसं म्हणू शकता. हे शहर लोकांना त्यांचं स्वप्न पूर्ण करण्यासाठी ताकद देतं. इतकंच नाही तर कोणत्याही झेड सुरक्षेशिवाय हे शहर लोकांच्या चेहऱ्यावर हसू फुलवतं.” असा टोलाही तिनं लगावला आहे.
Please don't politicize Sushant's tragic death & use it to badmouth Mumbai & it's people @fadnavis_amruta Instead you have all the power to help the police in their investigation by providing them with any details that you might be sure of 🙏🏽 2/2 https://t.co/VVXXpmcOey
— Renuka Shahane (@renukash) August 4, 2020
अमृता यांना आठवण करून देत रेणुकानं असंही लिहलं की, कोरोनाच्या परिस्थितीतही मुंबई पोलीस हे 24 तास आपल्या सर्वांची सुरक्षा करत आहेत. सुशांत सिंह राजपूत प्रकरणाचा राजकीय मुद्दा करून ट्विट करू नये. जर देवेंद्र फडणवीस मुख्यमंत्री असते आणि अशी घटना घडली असती तर तेव्हीही असंच ट्विट केलं असतं का? अशी टीकाही रेणुकानं केली.
There is! If she were the CMs wife she wouldn't make such a statement about Mumbai, whatever the circumstances. Remember Elphinstone bridge collapsing during @Dev_Fadnavis tenure? Many Mumbaikars died but she did not say anything about Mumbai not being safe or being heartless! https://t.co/78jUz6KheL
— Renuka Shahane (@renukash) August 4, 2020
दरम्यान, सुशांत सिंह राजपूत प्रकरणाची निपक्षपणे चौकशी झाली पाहिजे. या प्रकरणावर मीडिया आणि राजकारणी लोकांचा कोणताही दबाव असता कामा नये असंही मतही रेणुकानं व्यक्त केलं.
मॅडम, तुम्ही आणि तुमचे कुटुंबीय ह्याच मुंबई पोलिसांची Security Cover घेऊन त्यांच्यावर इतके नीच आरोप करता??
सोडून द्या की security cover भरोसा नसेल तर !! https://t.co/ITw8AKLN0P
— Varun Sardesai (@SardesaiVarun) August 3, 2020
युवा सेनेचे सचिव वरुण सरदेसाई यांनीही अमृता यांच्यावर सडकून टीका केली आहे.