Syed Mushtaq Ali Trophy | 4 चेंडू 4 विकेट्स; विदर्भच्या दर्शन नळकांडेने केला विक्रम

On Nov 20, 2021

Syed Mushtaq Ali Trophy | syed mushtaq ali trophy 2021 22 darshan nalkande picks four wickets in four balls in semi final

file photo

पोलीसनामा ऑनलाईन टीम – सय्यद मुश्ताक अली ट्रॉफी (Syed Mushtaq Ali Trophy) ट्वेंटी-20 स्पर्धेच्या पहिल्या उपांत्य फेरीच्या सामन्यात तामिळनाडूने (Tamilnadu) हैदराबादवर विजय मिळवत सलग तिसऱ्या वर्षी अंतिम फेरीत प्रवेश केला आहे. तामिळनाडूने या (Syed Mushtaq Ali Trophy) सामन्यात ८ विकेट्सनी विजय मिळवला आहे. तर दुसऱ्या एका सामन्यात विदर्भचा गोलंदाज दर्शन नळकांडे (Darshan Nalkande) यानं मोठा विक्रम केला आहे. कर्नाटकविरुद्धच्या सामन्यात दर्शननं चार चेंडूंत चार विकेट्स घेताना लसिथ मलिंगा, राशिद खान आदी दिग्गजांच्या पंक्तित स्थान मिळवले आहे.

Hat-trick ✅
4⃣ successive wickets ✅
Last-over heroics
DO NOT MISS this sensational bowling display from Vidarbha's Darshan Nalkande. 🔥 🔥 #KARvVID #SyedMushtaqAliT20 #SF2
Watch 🎥 🔽https://t.co/c67NIyQBBx pic.twitter.com/EjrXET1AVK
— BCCI Domestic (@BCCIdomestic) November 20, 2021

प्रथम फलंदाजी करताना कर्नाटकनं 7 बाद 176 धावा केल्या. विशेष म्हणजे त्यांच्या चार विकेट्स या अखेरच्या षटकात पडल्या. यामध्ये रोहन कदमनं 56 चेंडूंत 7 चौकार व 4 षटकारांसह 87, तर कर्णधार मनिष पांडेनं 42 चेंडूंत 2 चौकार व 3 टकारांसह ५४ धावांची खेळी केली. तसेच अभिनव मनोहरनं 27 धावा केल्या आहेत. दर्शननं 20व्या षटकाच्या दुसऱ्या चेंडूवर अनिरुद्ध जोशी, तिसऱ्या चेंडूवर बीआर शरथ ,चौथ्या चेंडूवर जगदीशा सुचिथ व पाचव्या चेंडूवर अभिनव याची विकेट घेतली. हे चारही फलंदाज झेलबाद झाले.

मुश्ताक अली ट्रॉफीच्या (Syed Mushtaq Ali Trophy) एकाच पर्वात एकाच संघाकडून दोनदा हॅटट्रिक नोंदवल्या गेल्याची ही पहिलीच वेळ आहे. याअगोदर अक्षय कार्नेवारनं (Akshay Carnevar) सिक्किमविरुद्ध हॅटट्रिक घेतली आहे. मुश्ताक अली ट्रॉफीत चार चेंडूंत चार विकेट्स घेणारा दर्शन हा दुसरा गोलंदाज ठरला. यापूर्वी कर्नाटकच्या अभिमन्यू मिथूननं (Abhimanyu Mithun) 2019 च्या उपांत्य फेरीत हरयाणाविरुद्ध अशी कामगिरी केली होती. या दोघांनीही 20व्या षटकात हा पराक्रम केला आहे.