Symptoms Of Tuberculosis | टीबीच्या ‘या’ सामान्य लक्षणांकडे करू नका दुर्लक्ष, वाढू शकतो धोका
file photo पोलीसनामा ऑनलाइन टीम – Symptoms Of Tuberculosis | जागतिक क्षयरोग दिन दरवर्षी 24 मार्च रोजी जगभरात साजरा केला जातो. हा दिवस साजरा करण्यामागचा उद्देश टीबी (TB) म्हणजेच क्षयरोगाच्या आजाराबाबत लोकांना जागरूक करणे हा आहे. जगभरात लाखो लोक टीबी आजाराशी झुंज देत आहेत. हा एक गंभीर बॅक्टेरियल संसर्ग (Bacterial Infection) आहे जो फुफ्फुसांवर परिणाम करतो (Symptoms Of Tuberculosis).
हळूहळू, हा संसर्ग मेंदू आणि मणक्यासारख्या (Brain and Spine) शरीराच्या इतर भागांमध्ये पसरू शकतो. हा रोग मायकोबॅक्टेरियम ट्यूबरक्युलोसिस (Mycobacterium Tuberculosis) नावाच्या बॅक्टेरिया मुळे होतो.
क्षयरोगाची लक्षणे (Symptoms Of Tuberculosis)
1. टीबीच्या सर्वात सामान्य लक्षणांपैकी एक लक्षण खोकला (Cough) आहे, जो दीर्घकाळ टिकतो. हा खोकला 2-3 आठवड्यांपेक्षा जास्त काळ टिकतो. टीबीमध्ये येणारा खोकला कोरडा नसतो आणि त्यातून कफ बाहेर पडतो.
2. खोकल्यातून रक्त येणे (Bleeding From Coughing)
3. छातीत वेदना किंवा श्वास घेताना दुखणे (Chest Pain or Pain When Breathing)
4. वजन जलद कमी होणे (Rapid Weight Loss)
5. अत्यंत थकवा (Fatigue)
6. ताप (Fever)
7. रात्री घाम येणे (Sweating At Night)
8. थंडी वाजून येणे (Feeling Cold)
9. भूक न लागणे (Loss Of Appetite)
क्षयरोग का होतो (Why Does Tuberculosis Occur)
क्षयरोगाची लागण झालेली व्यक्ती जेव्हा खोकते, शिंकते किंवा हसते तेव्हा मायकोबॅक्टेरियम ट्यूबरक्युलोसिसचे बॅक्टेरिया (Mycobacterium Tuberculosis Bacteria) हवेतून त्या व्यक्तीकडून दुसर्‍या व्यक्तीकडे जातात, ज्यामुळे टीबी होतो.
तज्ज्ञांच्या मते, हे बॅक्टेरिया खूप सहज पसरतात, पण असे असूनही टीबीची लागण होणे इतके सोपे नाही. याचा सामान्यतः फुफ्फुसांवर (Lungs) परिणाम होतो, याशिवाय लिम्फ ग्रंथी, पोट, कणा़, सांधे आणि शरीराच्या इतर भागांवरही त्याचा परिणाम होऊ शकतो.
क्षयरोगाचे प्रकार (Types Of Tuberculosis)
टीबी संसर्गाचे 2 प्रकार आहेत. सुप्त म्हणजे लेटेंट टीबी (Latent TB) आणि सक्रिय म्हणजेच अ‍ॅक्टिव्ह टीबी (Active TB) असे दोन प्रकार आहेत. सुप्त क्षयरोगात, रुग्ण संसर्गजन्य नसतो आणि कोणतीही विशिष्ट लक्षणे दाखवत नाही. यामध्ये, संसर्ग शरीरातच राहतो आणि तो कधीही सक्रिय होऊ शकतो. दुसरीकडे, सक्रिय टीबीमध्ये, बॅक्टेरिया अनेक पटीने वाढतात आणि तुम्हाला आजारी बनवतात.
या स्थितीत, हा रोग इतरांमध्ये देखील पसरू शकतो. 90 टक्के सक्रिय टीबी प्रकरणे सुप्त टीबी संसर्गामुळे होतात. कधीकधी हा संसर्ग ड्रग रेसिडेंट बनतो म्हणजेच काही औषधांचा त्याच्या बॅक्टेरियावर परिणाम होत नाही.
कोणत्या लोकांना जास्त धोका (Which People Are Most At Risk)
मित्राला किंवा सहकार्‍याला सक्रिय टीबी असल्यास, तुम्हालाही संसर्ग होण्याची शक्यता असते. रशिया, आफ्रिका, पूर्व युरोप, आशिया, लॅटिन अमेरिका आणि कॅरिबियन यांसारख्या प्रदेशात वास्तव्य किंवा प्रवास केलेल्या लोकांना क्षयरोग होण्याची शक्यता जास्त असते कारण टीबी सामान्य आहे.
एचआयव्हीची (HIV) लागण झालेले लोक, बेघर किंवा तुरुंगात राहणारे लोक किंवा जे लोक इंजेक्शनद्वारे ड्रग्ज घेतात त्यांना संसर्ग होण्याची शक्यता जास्त असते. क्षयरुग्णांवर उपचार करणारे आरोग्य कर्मचारीही त्याला बळी पडतात. धूम्रपान करणार्‍यांना टीबी आजाराचा नेहमीच धोका असतो.
क्षयरोग उपचार (Tuberculosis Treatment)
आरोग्य तज्ज्ञ सांगतात की, क्षयरोगाची लक्षणे दिसू लागताच तातडीने उपचार सुरू करा. उपचार करण्यास जास्त उशीर केल्यास स्थिती वाईट होते.
लक्षणे दिसू लागल्यास त्वरित डॉक्टरांशी संपर्क साधा. क्षयरोगाचा उपचार साधारणपणे 6 महिन्यांच्या कालावधीत केला जातो.
(Disclaimer : वरील लेखामध्ये सांगितलेले विधी, पध्दती आणि दाव्यांचं आम्ही कुठलंही समर्थन करत नाही. त्यांना केवळ सल्ला म्हणून घ्यावं.
अशा पध्दतीच्या कोणत्याही उपचार / औषध / आहारावर अंमल करण्यापुर्वी डॉक्टरांचा सल्ला घेणे आवश्यक आहे.)
Web Title :- Symptoms Of Tuberculosis | symptoms causes types risk factors treatment
Join our WhatsApp Group, Telegram, facebook page and Twitter for every update
Sunny Deol Affair News | ‘या’ प्रसिद्ध सुपरस्टारच्या पत्नीसोबत होतं सनी देओलचं अफेअर