संपुष्टात येऊ शकतं ‘फ्री’ इनकमिंगचं ‘स्वातंत्र’, कॉल ‘रिसीव्ह’ करण्यासाठी मोजावे लागणार ‘पैसे’
नवी दिल्ली : वृत्तसंस्था – मोबाइल सेवा देणाऱ्या कंपन्यांनी नवीन दर दर लागू केले आहेत, ज्यामुळे ग्राहकांच्या खर्चात दीडपट वाढ होईल. कंपन्यांनी सर्वात मोठा झटका इनकमिंग कॉलला दिला आहे, ग्राहकांना फेअर यूज पॉलिसी (FUP) अंतर्गत इतर नेटवर्क्सवर कॉल करण्यासाठी प्रति मिनिट 6 पैसे आकारले जातील. ही केवळ एक सुरुवात आहे आणि येत्या दोन-तीन तिमाहीत विनामूल्य इनकमिंग कॉल फेरी पूर्णत: संपू शकेल अशी माहिती टेलिकॉम विश्लेषकांनी दिली आहे.
एसबीआय कॅपिटल सिक्युरिटीजचे मुख्य संशोधक राजीव शर्मा म्हणाले की, ‘यापूर्वी जिओने इतर नेटवर्कवरील कॉलवर आययूसी चार्ज अंतर्गत प्रति मिनिट 6 पैसे शुल्क आकारण्यास सुरुवात केली होती आणि आता व्होडाफोन, आयडिया आणि एअरटेलने देखील एफयूपी लावला आहे. व्हाईस कॉलला पूर्वीसारखे शुल्क आकारले जाणार आहे. टेलिकॉम कंपन्या येत्या 6-9 महिन्यांत त्यांच्या नेटवर्कवर कॉलिंग शुल्क आकारण्यास सुरवात करतील आणि नि: शुल्क इनकमिंग कॉल समाप्त होतील.’
जियो ग्राहकांना फायदा –
टेलिकॉम तज्ज्ञांचे म्हणणे आहे की जिओ जेव्हा 6 डिसेंबरला नवीन दर जाहीर करेल तेव्हा ती प्रतिस्पर्धी कंपन्यांपेक्षा ग्राहकांना अधिक दिलासा देऊ शकते. कंपनीने आधी असेही म्हटले होते की आम्ही इतर कंपन्यांच्या तुलनेत 20 टक्के स्वस्त दर देऊ.
याशिवाय जिओकडे केवळ सर्वाधिक ग्राहक आहेत त्यातील 90 टक्के ग्राहक प्रीपेड आहेत जेणेकरुन कंपनी कमी शुल्क आकारून मोठा नफा कमावू शकेल. त्याच वेळी व्होडाफोन, आयडिया आणि एअरटेलच्या एकूण ग्राहकांपैकी सुमारे 30 टक्के पोस्टपेड आहेत आणि कंपनीने या विभागात वाढ केलेली नाही.
शेयर वाढले, 33 हजार कोटींचे भांडवल वाढले
दर जाहीर झाल्यानंतर टेलिकॉम कंपन्यांचे शेअर्स उच्चांकावर पोहोचले. व्होडाफोन, आयडिया, एअरटेल आणि जिओ यांनी संयुक्तपणे 33 हजार कोटींची भांडवल जोडली. बीएसई वर वोडा आयडियाचे शेअर्स 7.79 टक्क्यांनी वधारले आणि कंपनीचे भांडवल 2,700 कोटी रुपयांनी वाढले. त्याचप्रमाणे एअरटेलच्या शेअर्समध्ये 3.67 टक्के वाढ झाली आणि कंपनीचे भांडवल 8,300 कोटी रुपये झाले. रिलायन्स जिओने 2.28 टक्क्यांची उसळी घेतली असून यामुळे कंपनीचे बाजार भांडवल 22,000 कोटींवर पोहचले.
Visit : policenama.com
- ‘या’ खास चहाचे हे ६ आरोग्यदायी फायदे, असा तयार करा, जाणून घ्या
- नेहमी हसा, च्युइंगम खा…आणि कमी करा वजन ! ‘वेटलॉस’च्या ‘या’ खास ५ ट्रीक
- कर्करोगावर गुणकारी आहे ‘कडुनिंब’, जाणून घ्या ५ आरोग्यदायी फायदे
- मुलांच्या ‘या’ ५ गोष्टी मुलींना नाहीत पसंत, फिटनेसकडे वेळीच द्या लक्ष
- लिंबाचे ‘हे’ ७ फायदे जाणून घेतले तर तुम्ही रहाल निरोगी !
- मुल नको असल्यास आता पुरूषांसाठीही गर्भनिरोधक गोळी ! ‘ही’ आहेत ३ वैशिष्ट्ये
- प्रेयसीचे ओठ थरथरले, लवलवले तर ‘ही’ सुद्धा असू शकतात ६ कारणे