Apple नं iphone मधून अ‍ॅप ब्लॉक करण्याची दिली धमकी, WhatsApp नं व्यक्त केली नाराजी, जाणून घ्या प्रकरण
file photoनवी दिल्लीः वृत्तसंस्था- टेक दिग्गज कंपनी अ‍ॅपलने मंगळवारी Apple App store मधून काही अ‍ॅप्स काढून टाकण्याची धमकी दिली आहे. अ‍ॅपल अ‍ॅप स्टोअरच्या आगामी गोपनीयता वैशिष्ट्याला काही अ‍ॅप्स विरोध करीत असल्याचे कंपनीने म्हटले आहे. जर हे अ‍ॅप्स कंपनीच्या प्रायव्हसी फीचरचे पालन करीत नाहीत तर ते अ‍ॅप स्टोअर वरून काढले जातील. लोकप्रिय मेसेजिंग अ‍ॅप व्हॉट्सअॅपने अ‍ॅपल अ‍ॅप स्टोअरच्या या धमकीबद्दल तीव्र नाराजी व्यक्त केली आहे. अ‍ॅपलचा नवीन डेटा लेबलिंग नियम चुकीचा असल्याचे व्हॉट्सअॅपने म्हटले आहे.
व्हॉट्सअ‍ॅपचा युक्तिवाद काय आहे
व्हॉट्सअ‍ॅपच्या मते, अ‍ॅपलची ही दुहेरी मनोवृत्ती आहे कारण अ‍ॅपलचा आयमेसेज अ‍ॅप आयफोनसह सर्व अ‍ॅपल डिव्हाइसवर पूर्व-स्थापित आहे. अ‍ॅप स्टोअर वरून ते डाउनलोड करण्याची आवश्यकता नाही. अशा परिस्थितीत अ‍ॅपलच्या अ‍ॅपवर कंपनीचे नवे नियम लागू होणार नाहीत तर व्हाट्सअ‍ॅपसारख्या उर्वरित अ‍ॅप्सवर प्रायव्हसी नियम लागू होतील. व्हॉट्सअॅपने म्हटले आहे की, कंपनीने सर्व अ‍ॅप्सचे लेबलिंग केले पाहिजे. तसेच तृतीय पक्षाच्या अ‍ॅपचा समावेश केला पाहिजे.
लहान अ‍ॅप विकसकांना होईल नुकसान
अ‍ॅपल कंपनीने या वर्षाच्या सुरूवातीस अ‍ॅप ट्रॅकिंग पारदर्शकता वैशिष्ट्य सादर करण्याची योजना आखली होती. परंतु विकसकांना त्यांच्या अ‍ॅपमध्ये बदल करण्यासाठी आणि गोपनीयता समस्येचे निराकरण करण्यासाठी अधिक वेळ देण्यास विलंब झाला. फेसबुकसारख्या टेक कंपन्या आणि जाहिरातदारांनी नियोजित बदलांवर टीका केली आहे आणि असे म्हटले आहे की, यामुळे गेमिंग डेव्हलपरसारख्या छोट्या विकसकांना त्रास होऊ शकतो. पण अ‍ॅपलचे म्हणणे आहे की, युजर्सला वेगवेगळ्या अ‍ॅप्स आणि वेबसाइटवर कधी ट्रॅक केले जात आहे हे माहित असले पाहिजे. तसेच अ‍ॅपलचे नवीन नियम जाहिरातदारांवर लक्ष ठेवण्यास मदत करतील.