भारतीयांनी बदलला फोन शॉपिंगचा पॅटर्न ! आता ‘कॅमेरा’, ‘बॅटरी’ आणि ‘डिस्प्ले’ ऐवजी ‘या’ फीचर्सवर सर्वाधित ‘लक्ष’, जाणून घ्या कारण

नवी दिल्ली : वृत्तसंस्था – सामान्यत: प्रत्येक वापरकर्ता त्याच्या गरजेनुसार स्मार्टफोन खरेदी करतो. असे म्हंटले जाते कि, भारतीय वापरकर्त्यांसाठी फोनमध्ये मोठी बॅटरी, उत्तम कॅमेरा आणि डिस्प्ले महत्त्वाचे असते. परंतु सायबर मीडिया रिसर्चने (सीएमआर) केलेल्या नव्या संशोधनानुसार भारतीय ग्राहक स्मार्टफोन खरेदी करताना कॅमेरा आणि बॅटरीपेक्षा ऑडिओ गुणवत्तेला जास्त महत्त्व देतात. संशोधनात आढळले आहे की, प्रत्येक चार वापरकर्त्यांपैकी एक वापरकर्ता स्मार्टफोन खरेदी करताना ऑडिओ गुणवत्ता सर्वात महत्वाची मानतो. हे पहिल्यांदाच आहे जेव्हा वापरकर्त्यांच्या स्मार्टफोनच्या खरेदीच्या पद्धतीमध्ये ऑडिओ गुणवत्तेस अधिक महत्त्व देण्यात आले आहे.

सीएमआर हेड इंडस्ट्री कन्सल्टिंग सत्य मोहंती यांच्या मते, चांगल्या ऑडिओ गुणवत्तेसह स्मार्टफोनची मागणी वाढण्याचे कारण म्हणजे लॉकडाउन. सीएमआरचे हेड इंडस्ट्री इंटेलिजन्स ग्रुप प्रभू राम यांच्या मते, वापरकर्त्यास ओटीटी संकल्पनेपासून मोबाइल गेमिंगपर्यंत प्रत्येक बाबतीत उच्च प्रतीचा ध्वनी हवा आहेत. यामुळे, चांगल्या ध्वनी गुणवत्तेसह स्मार्टफोनची मागणी वाढली आहे.

काही मनोरंजक संशोधन
– स्मार्टफोन खरेदीसाठी भारतीय ऑडिओ गुणवत्तेला सर्वात महत्त्वाचे मानतात. संशोधनानुसार, उत्कृष्ट ऑडिओ गुणवत्तेला 100 पैकी 66 गुण मिळाले, तर बॅटरीचे आयुष्य 61 आणि कॅमेराला 60 मिळाले.
– ओटीटी प्लॅटफॉर्मवर संगीत ऐकून 94 टक्के भारतीय लोकप्रिय ऑडिओचा आनंद घेतात.
– 96 टक्के भारतीय व्हिडिओ – चित्रपट, ओटीटी कंटेंट किंवा सोशल नेटवर्कवर वापरकर्ते जनरेटेड कंटेंट पाहतात
– भारतीयांकडील सर्वाधिक पसंतीची ऑडिओ उपकरणे वायर्ड इयरप्लग आणि इअरबड्स आहेत. 78 टक्के ग्राहक वायर्ड इअरप्लग पसंत करतात, तर. 65 टक्के इअरबड वापरतात.
– अधिक डिजिटलदृष्ट्या सशक्त लोक लहान व्हिडिओंना अधिक पसंत करतात. ते 38 टक्के आहेत, तर कमी डिजिटल वापरकर्ते मोठे व्हिडिओ पसंत करतात. त्याची संख्या सुमारे 23 टक्के आहे.
– प्रत्येक 8 पैकी 5 यापारकर्ते 62 टक्के लोक गेमिंग दरम्यान अधिक ऑडिओची मागणी करतात.
-7 पैकी 3 वापरकर्त्यास स्मार्टफोन ऑडिओमध्ये नियमितपणे काही समस्या असतात.