‘ते’ पोलिस निरीक्षक पुन्हा ‘वादात’, तडजोडीनंतर वाळूचे वाहन सोडले, SP कडे रेकॉर्डिंगसह लेखी तक्रार
File Photoअहमदनगर : पोलीसनामा ऑनलाइन – वाळूची बेकायदा वाहतूक करणारे वाहन पारनेर पोलीस ठाण्याचे पोलीस निरीक्षक बाजीराव पोवार यांनी तडजोड करून सोडून दिले. त्यामुळे त्यांच्याविरुद्ध निलंबनाची कारवाई करण्यात यावी, असा लेखी तक्रार अर्ज सचिन दशरथ गोरे (रा. नगर) यांनी पोलीस अधीक्षक ईशू सिंधू यांच्याकडे दाखल केला आहे. या तक्रार अर्जासोबत मोबाईल रेकॉर्डिंगही देण्यात आले आहे. यापूर्वी याच पोलीस निरीक्षकाविरुद्ध खंडणी मागितल्याची लेखी तक्रार करण्यात आले होती. त्यानंतर पुन्हा तक्रार दाखल झाल्याने पोलिस वर्तुळात मोठी खळबळ उडाली आहे.
याबाबत गोरे यांनी दिलेल्या तक्रार अर्जात म्हटले आहे की, ‘पारनेर पोलीस ठाण्याच्या पोलीस पथकाने 15 ऑगस्ट 2019 रोजी रात्री नऊ वाजता भाळवणी ते जामणगाव रोडवर वाळूची चोरटी वाहतूक करणारे वाहन पकडले होते. तडजोड करून हे वाहन सोडून देण्यात आले. पोलिसांनी पकडलेले वाहन पोलिस निरीक्षकांच्या सांगण्यावरून तडजोड करून सोडून देण्यात आले. हा प्रकार पोलिसांच्या प्रतिमेला काळिमा फासणारा आहे. त्यामुळे पोलिस निरीक्षक पोवार व इतर कर्मचाऱ्यांना निलंबित करण्यात यावे. त्यांची विभागीय चौकशी करण्यात यावी.’
पोलीस अधीक्षक कार्यालयातही बुधवारी ही लेखी तक्रार दाखल करण्यात आली आहे. यापूर्वीही पोवार यांच्याविरोधात एका सेवानिवृत्त पोलिस कर्मचाऱ्याने पाच लाख रुपयांची खंडणी मागितल्याची तक्रार केली होती. त्यानंतर पत्रकार परिषद घेऊन पोवार यांच्याविरुद्ध कारवाई केली नाही, तर उपोषणाचा इशाराही दिला होता. ही घटना ताजी असतानाच पोवार यांच्याविरोधात आणखी एक तक्रार दाखल झाली आहे. त्यांनी तडजोड करून वाळू वाहन सोडल्याचा आरोप या तक्रारीत करण्यात आला आहे. त्यामुळे पोलिस वर्तुळात मोठी खळबळ उडाली आहे.
Visit – policenama.com
- ‘या’ १० सौंदर्य समस्या करा दूर, नाही पैशांची आवश्यकता, अवश्य करा ‘हे’ उपाय
- या लोकांनी टाळावे ‘चायनीज फूड’! खात असाल, तर हे आवश्य जाणून घ्या
- प्राचीन उपायांनी वाढवा सौंदर्य, वर्षानुवर्षे होतोय वापर, ‘हे’ १० पदार्थ उपयोगी
- छोटी विलायचीत अनेक औषधी गुणधर्म, होतील ‘हे’ ५ आरोग्यदायी फायदे
- प्रवास करताना उलटी का होते? ‘हे’ ५ उपाय केल्यास मिळेल आराम, जाणून घ्य
- झोपण्यापुर्वी पुरुषांनी प्यावे यापैकी एक ड्रिंक, होतील ‘हे’ ७ खास फायदे
- हे जेवणानंतर खा फक्त दोन चिमुट,आरोग्यसंबंधित होतील अनेक फायदा
- रोज १ आवळा खाल्ल्यास शरीरावर होतील ‘हे’ ९ चांगले प्रभाव
- नियमित प्या ‘गहू तृणरस’, संधीवातासह ‘हे’ १० आजार होतील दूर, जाणून घ्या
- रात्री उशीखाली ठेवा एक ‘लसणाची पाकळी’ आणि मग पाहा चमत्कार!
- ‘किडनी ट्रांसप्लांट’नंतर अशी घेतली जाते काळजी, निरोगी ठेवण्यासाठी ‘हे’ करा