Boys Locker Room संदर्भात मोठा खुलासा, अल्पवयीन मुलीने रचली होती सामुहिक बलात्कार कहाणी
file photoनवी दिल्ली : वृत्तसंस्था – इन्स्टाग्रामवरील बॉयज लॉकर रूम आणि मुलीवर सामूहिक बलात्काराची व्हायरल चॅट संबंधित खळबळजनक खुलासे तुम्हाला माहीत असतील. बॉयज लॉकर रूम घोटाळ्यामुळे प्रत्येक पालक काळजीत पडले होते. सोशल मीडियाचा वापर करणार्‍या मुलांची सुरक्षा त्यांना त्रास देत आहे. पण आता यादरम्यान एक मोठा खुलासा समोर आला आहे. बॉयज लॉकर रूममध्ये एक मुलगी सर्वात मोठी आरोपी असल्याचे समजते. दिल्ली पोलिसांनी तपासात हा दावा केला आहे.
मुलाच्या वेशात निघाली मुलगी
सोशल मीडियावर व्हायरल झालेल्या सामूहिक बलात्काराच्या चॅटच्या स्क्रीनशॉटच्या मागे एक अल्पवयीन मुलगी होती. दिल्ली पोलिसांनी दावा केला आहे की, मुलीने स्नॅपचॅट सोशल मीडिया प्लॅटफॉर्मवर सिद्धार्थ नावाचे बनावट प्रोफाइल तयार केले होते. मुलगा म्हणून सामूहिक बलात्काराबद्दल तिच्या मित्राशी गप्पा मारत असे. सामूहिक बलात्कारावर मित्राला पटले नाही. पोलिसांचा असा दावा आहे की, आरोपी मुलीने तिच्या मित्राचे चारित्र्य समजून घेण्यासाठी हे कांड केले.
ही गोष्ट स्नॅपचॅटवर घडली, ज्यांचे स्क्रीनशॉट्स इन्स्टाग्रामवरील बॉयज लॉकर रूम अकाऊंटवरही शेअर केले गेले आणि तेथून व्हायरल होऊ लागले.
काय आहे बॉयज लॉकर रूम ?
– ‘बॉईज लॉकर रूम’ हा इन्स्टाग्रामवर 17 ते 18 वर्षांच्या मुलांचा ग्रुप होता.
– या ग्रुपमधील मुलींचे मॉर्फेड फोटो अपलोड करून आक्षेपार्ह गोष्टी केल्या गेल्या.
– ग्रुपमध्ये, अल्पवयीन मुलींवर बलात्कारासारख्या अपमानास्पद गुन्ह्यांची धमकी देण्यात आली.
इन्स्टाग्रामवर केलेल्या बॉईज लॉकर रूम प्रकरणात दिल्ली पोलिसांनी 24 मुलांची चौकशी केली आणि या ग्रुपच्या प्रशासकाला अटक केली.