‘कोरोना’ व्हायरसमुळं होतोय अचानकपणे मृत्यू, डॉक्टरांनी सांगितलं ‘हे’ कारण, जाणून घ्या

नवी दिल्ली, वृत्तसंस्था : कोरोना विषाणूवर डॉक्टर आणि संशोधकांचा शोध सातत्याने सुरू आहे. कोरोना विषाणूमुळे मृत्यूचे आणखी एक कारण डॉक्टरांनी उघड केले आहे. डॉक्टरांचे म्हणणे आहे की कोरोना विषाणूमुळे शरीरात ब्लड क्लॉटिंग म्हणजेच रक्त गोठते, ज्यामुळे रुग्णाचा आकस्मिक मृत्यू देखील होतो. हा दावा कोविड थिंक टँकचे सदस्य आणि लखनऊच्या केजीएमयू रुग्णालयाचे पल्मोनरी अँड क्रिटिकल केअर मेडिसिन विभागाचे प्रमुख डॉ वेद प्रकाश यांनी केला आहे. डॉक्टर वेद प्रकाश म्हणतात की कोरोना विषाणूमुळे फुफ्फुसांच्या नसामध्ये रक्त गोठते. रक्ताच्या गोठण्यामुळे ऑक्सिजनचे सर्व मार्ग ब्लॉक होतात, ज्यामुळे कोरोनाचे रुग्ण अचानक मरण पावत आहेत.

डॉक्टर म्हणतात की कोरोना विषाणू हा इतर आजारांच्या तुलनेत जास्त रक्त गोठवतो ज्यामुळे रुग्ण मरत आहेत. कोरोना विषाणूमुळे रक्त का गोठत आहे यावर अद्याप संशोधन चालू आहे. कोरोना विषाणूच्या रुग्णांमध्ये जगभरात रक्त गोठण्याबाबतची बरीच प्रकरणे नोंदवली जात आहेत. डॉक्टर वेद प्रकाश म्हणाले की कोविड -19 पॉझिटिव्ह प्रकरणांमध्ये क्लॉटिंगची तपासणी करण्यासाठी आम्ही डी डायमर्सची चाचणी करतो. जर डी डायमर्सची पातळी वाढली असेल तर आम्ही त्याच्या उपचारासाठी ट्रीटमेंट प्रोटोकॉलचा अवलंब करतो. गोठलेले रक्त पातळ करण्यासाठी आम्ही रुग्णांना रक्त पातळ करणारे औषध देतो.

या औषधाने शरीरात जमा झालेला गुठळा पातळ आणि कमी करून रुग्णांना वाचवले जाते. एक्स-रे आणि सीटी स्कॅनद्वारे देखील क्रूड अ‍ॅनालिसिस करून अंदाज लावला जाऊ शकतो की शरीरात क्लॉटिंग आहे की नाही. या व्यतिरिक्त फुफ्फुसीय उच्च रक्तदाब आणि राइट फेलियरमुळे देखील ब्लड क्लॉटिंगचा तपास लावला जाऊ शकतो. तथापि याची योग्य तपासणी केवळ ऑटोप्सीद्वारेच केली जाऊ शकते. ऑटोप्सीद्वारे मृत शरीरातून ऑर्गनस काढून टाकून त्यांची तपासणी केल्यास असे आढळून येते की रुग्णाचा मृत्यू क्लोटिंगमुळे झाला आहे किंवा इतर कोणत्या कारणामुळे झाला आहे.

अनेक अहवालांमध्ये असे म्हटले आहे की कोविड -19 जवळजवळ 30 टक्के गंभीर रुग्णांमध्ये ब्लड क्लॉट बनवित आहे. रक्ताच्या गुठळ्या तयार झाल्यामुळे कोविड -19 मधील रुग्णांमध्ये मृत्यूचे प्रमाण वाढत आहे. कोरोना विषाणू रक्ताच्या गुठळ्या कशा बनवित आहे याबद्दल वेगवेगळ्या प्रकारचे सिद्धांत दिले जात आहेत.

एक सिद्धांत असा आहे की मानवी शरीरात कोरोना विषाणूच्या हल्ल्यामुळे शरीराची रोगप्रतिकार प्रणाली दाहक प्रतिसादाला अतिसक्रिय करते. या इन्फ्लेमेशनमुळे देखील रक्त जमणे सुरू होते. याव्यतिरिक्त, बऱ्याच लोकांना आधीच रक्त गोठण्याचा धोका असतो. यामध्ये वृद्ध, जास्त वजन, उच्च रक्तदाब, मधुमेह किंवा रक्त गोठण्याचा धोका वाढविणारी औषधे घेणे यासारख्या घटकांचा समावेश आहे. स्वाइन फ्लू आणि सार्स सारख्या विषाणूंमुळेही रक्त गोठण्याचा धोका वाढतो.

पोलीसनामा न्युज आता टेलीग्रामवर... आमचं चॅनेल (@policenamanews) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा. WhatsAPP

You might also like