थर्टी फर्स्टच्या मोक्या वरच मँगो गांजाचा मुख्य सप्लायर गजाआड; हायप्रोफाईल नशेबाज टेंशनमध्ये
तानाजी काते वय ३९ असे मँगो गांजाच्या मुख्य विक्रेत्याच नाव आहे. डोंबिवलीत राहणाऱ्या तानाजीसाठी जवळपास 18 लोक काम करतात. ते लोक तानाजी कडे एजंट म्हणून काम करतात शहरातील नशेबाजांना मँगो गांजा देण्याचे काम करतात. काही दिवसांपूर्वी अमली पदार्थविरोधी कक्षाच्या वरळी युनीटने परळमध्ये राज ठाकूर रिक्षा चालकाला एक किलो 800 ग्रॅम वजनच्या मँगो गांजाची डिलेव्हरी देण्यासाठी आला असता पकडले होते.
तेव्हा मुख्य पुरवठादार तानाजी असून तो डोंबिवलीत राहतो, असे राजने पोलीस चौकशीत सांगितले होते. त्यामुळे प्रभारी पोलीस निरीक्षक निनाद सावंत व त्यांच्या पथकाने तानाजीचे घर गाठले होते. परंतु कल्पना मिळाल्याने तानाजी पसार झाला होता. त्यामुळे चौकशीसाठी हजर राहण्याची नोटीस बजावून पोलीस माघारी परतले होते. त्यानंतर घाबरलेला तानाजी वरळी युनीटमध्ये हजर झाला. त्याला अटक करण्यात आली असून अधिक तपास सुरू आहे.
आंध्रातून आणतो मँगो गांजा.
आंध्र प्रदेशमधून मँगो गांजा आणून तो मुंबई व आजूबाजूच्या शहरांत सप्लाय करतो, असे तानाजीने चौकशीत सांगितल्याचे पोलिसांकडून समजते. त्यामुळे तानाजी नेमका कोणाकडून गांजा घेतो. नक्षलग्रस्त भागातून तो आणतो का, तेथील त्याचे एजंट कोण, याचा पोलीस तपास करीत आहेत.