देशातील ‘या’ तीन बँकांचे विलिनीकरण होणार

देशातील महत्वाच्या बँकांपैकी एक असलेल्या देना बँक, विजया बँक आणि बँक ऑफ बडोदा यांचे विलिनीकरण करण्याचा निर्णय सरकारने घेतला आहे. अर्थखात्याचे सचिव राजीव कुमार यांनी याबाबत माहिती दिली. आम्ही देना बँक, विजया बँक आणि बँक ऑफ बडोदा यांचे विलिनीकरण करण्याचा निर्णय घेतल्याचे कुमार यांनी सांगितले. या विलिनीकरणानंतर ही देशातील तिसऱ्या क्रमांकाची सर्वात मोठी बँक ठरणार असल्याचेही कुमार यांनी स्पष्ट केले आहे.
[amazon_link asins=’B0073C7IIK,B00DRLASZ6′ template=’ProductCarousel’ store=’policenama-100′ marketplace=’IN’ link_id=’0b0e0c1c-ba9a-11e8-b55a-919e6eb3194b’]

केंद्र सरकारने अर्थसंकल्पात घोषणा केली होती, त्यानुसार बँकांचे एकीकरण हे सरकारच्या अजेंड्यावर होते. त्यादृष्टीने सरकारने उचललेले हे पहिले पाऊल असल्याची प्रतिक्रिया अर्थमंत्री अरुण जेटली यांनी दिली.

कर्मचाऱ्यांच्यादृष्टीनेही हा निर्णय योग्य असल्याचे समर्थन जेटलींनी केले आहे. तर, बँकींग क्षेत्रात सुधारणांची गरज असून सरकारकडून बँकांतील भांडवलाची गरज लक्षात घेतली जात आहे. जेथपर्यंत एनपीएचा प्रश्न उद्भवतो, तिथपर्यंत असे धाडसी निर्णय घेताना सरकार गंभीर असल्याचेही राजीव कुमार यांनी म्हटले.

पोलीसनामा ऑनलाईन : महत्वाच्या बातम्या एका क्लिकवर एकाच ठिकाणी