पिंपरी : पोलीसनामा ऑनलाइन – पीएमपीएमएल बसमध्ये गर्दीचा फायदा घेत महिलांचे दागिने आणि पर्स मधील किमती ऐवज चोरीच्या दोन घटना शहरात घडल्या आहेत.
सविता अशोकराव काटकर (62, रा. वाल्हेकरवाडी, चिंचवड) यांनी पिंपरी पोलीस ठाण्यात फिर्याद दिली आहे. त्यानुसार अज्ञात चोरट्याविरोधात गुन्हा दाखल करण्यात आला आहे.
पोलिसांनी दिलेल्या माहितीनुसार, फिर्यादी काटकर निगडीतील भक्तीशक्ती चौक ते आकुर्डी खंडोबा माळ दरम्यान पीएमपी बसने प्रवास करत होत्या. त्या निगडी येथील पीएमपीच्या बसथांब्यावरून बसमध्ये चढत असताना त्यांच्या हातातील 20 ग्रॅम सोन्याची 19 हजारांची बांगडी चोरट्याने गर्दीचा फायदा घेऊन चोरून नेली. पिंपरी पोलीस तपास करीत आहेत.
अनुराधा रोहीत भोईटे (30, रा. स्पाईन रोड, चिखली प्राधिकरण) यांनी निगडी पोलीस ठाण्यात फिर्याद दिली आहे. त्यानुसार अज्ञात चोरट्यांविरोधात गुन्हा दाखल करण्यात आला आहे.
पोलिसांनी दिलेल्या माहितीनुसार, फिर्यादी अनुराधा भोईटे त्यांच्या कुटुंबासह शिरगाव येथे जात होत्या. त्यासाठी निगडी येथील मधुकर पवळे उड्डाणपुलालगतच्या बसथांब्यावरून निगडी ते वडगाव बसमध्ये चढत असताना गर्दीचा फायदा घेऊन चोरट्याने त्यांच्या पर्समधील हॅण्डपर्समधील 10 हजारांचा मोबाइल, 600 रुपयांची रोकड, आधार कार्ड, डेबीट कार्ड व क्रेडीट कार्ड चोरून नेले. निगडी पोलीस तपास करीत आहेत.
फेसबुक पेज लाईक करा – https://www.facebook.com/policenama/
- ‘फूड पॉयजनिंग’ कशामुळे होते? ‘ही’ आहेत 5 लक्षणे ?
- ‘फंगल इंन्फेक्शन’ दूर करण्यासाठी ‘या’ 2 प्रकारे करा कडूलिंबाचा वापर !
- मक्याच्या कणीसाचे ‘हे’ आहेत 4 फायदे, मात्र…त्यावर पाणी पीणे नुकसानदायक
- पचनक्रिया बिघडली असेल तर आहारात ‘या’ 7 गोष्टींचा करा समावेश
- तुम्हाला ऑफिसमध्ये सतत झोप येते का? ‘ही’ 4 कारणे असू शकतात !