माजी नगरसेवकाच्या घरा समोरुन फॉर्च्यूनर कारची चोरी

पिंपरी : पोलीसनामा ऑनलाईन – पिंपरी-चिंचवड शहरात वाहनांच्या तोडफीच्या आणि वाहन चोरीच्या घटनांमध्ये वाढ होत आहे. आज रहाटणी येथे माजी नगरसेवकाच्या घरासमोर पार्क केलेली फॉर्च्यूनर कार चोरट्यांनी पळवून नेली. हा प्रकार आज (सोमवार) पहाटे चारच्या सुमारास घडला असून चोरटे सीसीटीव्हीत कैद झाले आहेत.

याप्रकरणी दिनेश बाळू चिंचवडे यांनी वाकड पोलीस ठाण्यात फिर्याद दिली आहे. पोलिसांनी अज्ञात चोरट्यांविरुद्ध गुन्हा दाखल करुन वाहनाचा शोध सुरु केला आहे. मिळालेल्या माहितीनुसार चिंचवडे यांनी त्यांची फॉर्च्यूनर कार माजी नगरसेवकर कैलास थोपटे यांच्या घरासमोर पार्क केली होती. यावेळी अज्ञात चोरट्याने कारचा दरवाजा बनावट चावीने उघडून कार चोरुन नेली. चोरटे कार घेून जुन्या पुणे-मुंबई महामार्गाने मुंबईच्या दिशेने पळून गेले. या घटनेची माहिती मिळताच पोलिसांनी आरोपींचा शोध सुरु केला आहे.

दारुसाठी डोक्‍यात घातला दगड