मुंबई : वृत्तसंस्था – सपनाबद्दल सर्वाधिक सर्च आलेल्या अव्वल १५ शहरांची यादी गुगलने जाहीर केली आहे. विशेष म्हणजे उत्तर भारतामधील अनेक राज्यांमध्ये लोकप्रिय असणाऱ्या सपनाबद्दल सर्च करण्यात पुणेकरही मागे नसल्याचे या यादीमध्ये दिसून येते. सपनाबद्दल सर्च करणाऱ्या शहरांच्या यादीमध्ये पुणे शहर १४ व्या क्रमांकावर आहे हे विशेष.सपना चौधरी सर्वाधिक गुगल सर्च करणाऱ्या शहरांची यादी पुढीलप्रमाणे: भानरोता, इंदौर, कानपूर, थाना शंकर देवरी, सोनपत, पानिपत, लखनौ, भोपाळ, लुधियाना, नवी दिल्ली, रायपूर, सुरत, पुणे, अहमदाबाद.
सपनाबद्दल सर्वाधिक सर्च झालेल्या विषयांमध्ये ‘सपना चौधरी गाना डीजे’, ‘सपना चौधरी के गाने डीजे’, ‘सपना चौधरी का गाना डीजे’, ‘सपना चौधरी सॉन्ग डीजे’ आणि ‘सपना चौधरी सॉन्ग २०१८’ या पाच सर्च टॉपिकचा समावेश आहे.
इंटरनेटवर काही शोधायचे म्हटल्यास सर्वात आधी डोक्यात येतं ते नाव म्हणजे गुगल. जगातील सर्वात मोठे सर्च इंजिन असणाऱ्या गुगलने सालाबादप्रमाणे यंदाही वर्षभरातील ट्रेण्डसचा आढावा घेणारी माहिती जाहिर केली आहे. #YearInSearch या हॅटशॅटसहीत या वर्षी म्हणजेच २०१८ मध्ये वेगवेगळ्या क्षेत्रातील कोणत्या व्यक्ती चर्चेत राहिल्या या संदर्भातील वेगवेगळ्या विषयांनुसार अव्वल दहा जणांची यादीच गुगलने जाहीर केली आहे. विशेष म्हणजे यामध्ये मनोरंजन क्षेत्रातील जगभरात सर्वाधिक सर्च झालेल्या कलाकारांच्या यादीमध्ये भारतातील केवळ एक नाव आहे. आता तुम्हाला वाटलं असेल की हे नाव म्हणजे शाहरुख खान, आमिर खान, अमिताभ बच्चन किंवा दीपिका अथवा ऐश्वर्या राय वगैरे असेल पण नाही यापैकी कोणाचाही सर्वाधिक सर्च झालेल्या कलाकारांमध्ये समावेश नाही. जगभरात सर्वाधिक सर्च झालेल्या कलाकारांच्या यादीमधील ते एकमेव नाव आहे सपना चौधरी. याहून आश्चर्याची गोष्ट म्हणजे सपना चौधरीबद्दल सर्च करणाऱ्या भारतातील शहरांच्या यादीमध्ये उत्तर भारतीय शहरांबरोबरच पुण्याचेही नाव आहे.
मुळची हरयाणाची असलेली सपना ही लोकप्रिय गायिका, नृत्यांगणा आणि अभिनेत्री आहे. युट्यूबवर तिच्या गाण्यांचे अनेक व्हिडीओ भन्नाट लोकप्रिय आहेत. सपना ही बिग बॉस ११ च्या पर्वामधील स्पर्धकही होती. नानू की जानू, भांगओव्हर आणि वीरे दी वेडिंग सारख्या हिंदी सिनेमांमध्येही तिने आयटम साँग्समध्ये काम केले आहे.
काय बसला ना धक्का. पण हे खरं आहे. नाही नाही हे आम्ही नाही म्हणत तर गुगलचा अहवलाच तशी माहिती देत आहे. सर्वाधिक गुगल सर्च झालेल्या कलाकारांच्या जागतिक यादीमध्ये सपना चौधरी नवव्या क्रमांकावर आहे. हे बघा तुम्हीच पाहा.