पुणे : पोलीसनामा ऑनलाइन – पहाटे खासगी ट्रॅव्हल्समधून उतरून पायी जाणाऱ्या प्रवाशाला लुटणाऱ्या तिघांनी पोलिसांनी काही तासाच अटक केली. ही घटना मंगळवारी (दि.27) पहाटे साडे चारच्या सुमारास पुण्यातील संगमपुलावर घडली. घटनेची माहिती मिळताच पोलिसांनी आरोपींच्या काही वेळात मुसक्या आवळल्या आहेत.
पहाटे खासगी ट्रॅव्हल्समधून उतरून पायी जाणाऱ्या प्रवाशांना लुटण्याच्या घटना घडत आहेत. यातच मंगळवारी पहाटे एका प्रवाशाला संगम पुल परिसरात लुटल्याची घटना घडली. या परिसरातील ही सलग दुसऱ्या दिवशी घडलेली जबरी चोरीची घटना असून येरवडा पोलीस ठाण्याच्या हद्दीतील महिन्याभरातील पाचवी घटना आहे.
वाघोली येथील एक व्यक्ती नांदेड येथून खासगी ट्रॅव्हल्सने मंगळवारी पहाटे साडे तीनच्या सुमारास संगमवाडी येथील खासगी ट्रॅव्हल्स स्थानकामध्ये उतरले. तेथून ते पायी पुणे स्टेशनच्या दिशेने जात असताना दुचाकीवरून आलेल्या तिघांनी त्यांना अडवले. त्यानंतर त्यांना दमदाटी करून त्यांच्याकडी 10 हजार रुपयांची रक्कम, मोबाईल आणि अन्य वस्तू जबरदस्तीने चोरून नेले. दरम्यान गस्तीवर असलेल्या पोलिसांनी आरोपींचा पाठलाग करून त्यांना पकडले. अटक करण्यात आलेले आरोपी स्वारगेट आणि वाघोली परिसरातील असल्याचे पोलिसांनी सांगितले.
- द्राक्ष खा आणि कँसरची भिती सोडून द्या, आहारात समाविष्ट करा ‘हे’ १० पदार्थ
- शरीराला आतून सशक्त बनवतो आवळा, ‘हे’ आहेत खास १० फायदे
- गरोदरपणात महिलांनी करू नयेत ‘या’ ६ चुका, बाळासाठी आहे धोकादायक!
- गॅस आणि ‘या’ ९ समस्या दूर करणारा नंबर वन आहे ‘हा’ ज्यूस, एकदा नक्की घ्या
- कोणत्या आजारांपासून वाचण्यासाठी कोणती फळे खावीत, जाणून घ्या