पुणे (हिंजवडी) : पोलीसनामा ऑनलाइन – एमआयडीसी हद्दीतील रस्त्यावर विजेचे दिवे लावत असताना तिघांचा जागीच मृत्यू झाल्याची घटना आयटी पार्कमधील फेज -३ मध्ये घडली. ही घटना आज (सोमवार) सायंकाळी साडेपाचच्या सुमारास घडली. सागर आयप्पा माशाळकर (वय 20), सागर कूपु पारंडेकर (वय 19) राजू कुपु पारंडेकर (वय 35) तिघेही, रा. बिजलीनगर, चिंचवड) अशी मृतांची नावे आहेत. तर अन्य एक जण गंभीर जखमी आहे. ही घटना भोईर वाडीतील जय गणेश कॉलनीच्या स्मशानभूमीजवळून जाणाऱ्या रस्त्यावर घडली आहे.
मिळालेल्या माहितीनुसार, तिघे रस्त्यावर नव्याने लावलेल्या पथदिव्यावर दिवे बसविण्याचे काम करत होते. रोलर शिडी ढकलत असताना वर वीज प्रवाह सुरू असलेल्या विद्युत तारा त्यांच्या लक्षात आल्या नाहीत त्यामुळे लोखंडी शिडीचा स्पर्श तारांना झाल्याने शिडीत वीजपुरवठा उतरल्याने तिघांचाही जागीच मृत्यू झाला. हे तिघेही खाजगी कंत्राटदाराची माणसे होती. असे पोलीस निरीक्षक अजय जोगदंड यांनी सांगितले आहे.
अपघाताची माहिती मिळताच हिंजवडीचे पोलिस निरीक्षक अजय जोगदंड, पोलिस उप-निरीक्षक कविता रुपनर, पोलीस हवालदार दीपक परकाळे, शंकर उतेकर, विनोद मोहिते यांनी घटनास्थळी धाव घेतली. घटनास्थळाचा पंचनामा करून जखमीला उपचारासाठी खाजगी रुग्णालयात पाठवले. अग्निशामक दलाच्या जवानांनी तत्परता दाखवत वीज पुरवठा खंडित करून चिटकेलेले मृतदेह बाजूला केले. दोषीवर सदोष मनुष्यवधाचा गुन्हा दाखल करण्याची मागणी करण्यात येत आहे. पुढील तपास हिंजवडी पोलीस करत आहेत.
फेसबुक पेज लाईक करा – https://www.facebook.com/policenama/
- किवी फळाचे ‘हे’ आहेत ७ आरोग्यायी फायदे, जाणून घ्या
- ‘या’ ४ रक्तगटानुसार ठरवा कोणता चहा प्यायचा ! जाणून घ्या
- ‘चिकन सूप’ प्या, मानसिक ताण दूर पळवा ! ‘हे’ ५ पदार्थ नियमित खा
- दही-भात खाण्याचे ‘हे’ ७ आरोग्यदायी फायदे तुम्हाला माहीत आहेत का ?
- जेवण स्वादिष्ट बनवणारा ‘तेजपत्ता’ या ७ समस्यांवर आहे गुणकारी
- ‘या’ ५ गोष्टी कमी करतील तुमचे ‘हाय ब्लड प्रेशर’, जाणून घ्या
- रात्री केस धुवून झोपत असाल तर ‘या’ ७ गोष्टींचा आहे धोका !