COVID-19 : ‘कोरोना’पासून बचावासाठी फक्त हातचं नव्हे, घरात पुन्हा-पुन्हा ‘स्पर्श’ होणाऱ्या ‘या’ 9 वस्तूंना देखील करा एकदम ‘स्वच्छ’, जाणून घ्या
fridge पोलीसनामा ऑनलाइन टीम – कोरोना विषाणूपासून बचाव करण्यासाठी हात स्वच्छ करणे अत्यंत आवश्यक आहे. कारण कोरोनाचा संसर्ग तोंड आणि नाकातून शरीरात प्रवेश करू शकतो. हेच कारण आहे की साबणाने किंवा सॅनिटायझरने हात धुणे आवश्यक मानले जाते. आतापर्यंत असे दिसून आले आहे की लोक हात तर वेळोवेळी धुतात परंतु घरात असलेल्या महत्वाच्या वस्तूंची स्वच्छता करीत नाहीत, जिथे कोरोना दोन-दोन दिवसांपर्यंत टिकून राहू शकतो आणि कोणत्याही सदस्याला संक्रमित करू शकतो. त्या कोणकोणत्या वस्तू आहेत त्याबाबत जाणून घेऊया…
स्टीयरिंग
आपण आपल्या कारचे स्टीयरिंग नियमितपणे स्वच्छ न केल्यास आपल्याला कोरोनाचा धोका असू शकतो. स्टीयरिंग ही एक अशी वस्तू आहे जिला आपण बाजारावरुन आल्यानंतर प्रथम स्पर्श करता. स्टीयरिंग आपल्या नाकापासून खूप जवळ असते त्यामुळे हवेतून पसरलेले विषाणू तेथे उपस्थित असू शकतात. त्यामुळे विषाणूला टाळण्यासाठी कार किंवा बाईकचे स्टीयरिंग नेहमीच स्वच्छ करा.
हेडफोन
जर आपण जॉगिंग करण्यास प्रारंभ केला असेल आणि आपल्याकडे हेडफोन असतील तर आपण हेडफोन नियमितपणे स्वच्छ केले पाहिजेत. कोरोना विषाणू कोणत्याही पृष्ठभागावर तासनतास बसू शकतो आणि तो आपल्या हेडफोनवर देखील असू शकतो.
टीव्ही किंवा एसी रिमोट
टेलिव्हिजन किंवा एसी रिमोट ही घरातील एक वस्तू आहे जी विविध जीवाणू आणि व्हायरसचे घर आहे. बरेच लोक रिमोट साफ करत नाहीत. घरातले प्रत्येकजण यास स्पर्श करतो. अर्थात, अशा परिस्थितीत व्हायरस कोणालाही आपल्या कचाट्यात पकडू शकतो. हे टाळण्यासाठी आपण त्यांना पूर्णपणे स्वच्छ केले पाहिजे.
उशी
लोक बर्‍याचदा बेडशीट आणि उशीचे कव्हर साफ करतात पण उशी साफ करत नाहीत. असे न केल्यास आपल्याला खूप महागात पडू शकते. उशा या अनेक प्रकारचे धूळ, जीवाणू, विषाणू, घाम इत्यादींचे ठिकाण आहे म्हणून त्यांना स्वच्छ करणे फार महत्वाचे आहे. बहुतेक उशा धुतल्या जाऊ शकतात त्यामुळे आपल्या उशा नेहमी स्वच्छ ठेवा.
लाईट स्विच
लाईटचे स्विच स्वच्छ ठेवणे खूप महत्वाचे आहे. आपण आपले फर्निचर साफ करीत असताना या स्विचकडे देखील लक्ष द्या. ही सर्वात जास्त स्पर्श होणाऱ्या वस्तूंपैकी एक आहे आणि आपल्याला आजारी करण्यासाठी पुरेसे आहे. आपल्या घराबाहेरील स्विच स्वच्छ करणे विसरू नका ज्यास डिलिव्हरी बॉय, हाऊसव्हील आणि इतर बर्‍याच जणांनी स्पर्श केलेले असते.
एटीएम कार्ड
लॉकडाऊनमध्ये कॅशलेस व्यवहारास प्रोत्साहन दिल्यानंतर आपण सर्वजण कोणत्याही प्रकारच्या खरेदीसाठी आपले डेबिट आणि क्रेडिट कार्ड वापरत आहोत. कार्डला बर्‍याच पृष्ठभागांचा, आपल्या हातांचा, दुकानदारांच्या हाताचा स्पर्श होतो त्यामुळे हे देखील सर्वात संसर्गजन्य वस्तूंपैकी एक आहे. कोणत्याही प्रकारचे व्हायरस टाळण्यासाठी आपल्याला एटीएम कार्ड स्वच्छ करणे आवश्यक आहे.
किराणा पिशवी
सर्व किराणा सामान स्वच्छ करण्यासाठी आणि भाज्या व्यवस्थित स्वच्छ करण्यासाठी सतर्क झाले आहेत. परंतु बहुतेक लोक त्यांच्या सामान आणण्याच्या पिशव्या धुवत नाहीत. त्यामुळे आपली बॅग दररोज स्वच्छ करा.
मायक्रोवेव्ह बटण
घरातील सर्व गोष्टींसह आपले मायक्रोवेव्ह बटण स्वच्छ करणे देखील आवश्यक आहे. कारण घरातील प्रत्येकजण यास स्पर्श करीत असतात. म्हणून दररोज बटणे आणि हँडल साफ करणे महत्वाचे आहे.
फ्रिज हँडल
बहुतेक लोक कपड्याने किंवा एखाद्या कव्हरने त्यांचे फ्रीज हँडलचे संरक्षण करतात. सद्यस्थिती लक्षात घेऊन आपण त्यांचा वापर करणे टाळावे असा सल्ला देण्यात आला आहे, परंतु तरीही आपणास ते तसेच राहू द्यायचे असेल तर त्यास दररोज स्वच्छ करा. हँडल अनेकदा स्वच्छ करणे लक्षात ठेवा कारण ते एक मल्टीपल ह्यूमन टचपॉईंट देखील आहे.