दुर्गापूर : वृत्तसंस्था
कुंकू लावा, मंगळसूत्र घाला, हिंदू सण साजरे करा, धार्मिक वातावरण निर्माण करा, आंतरधर्मीय विवाह केल्यास पतीला हिंदू धर्म स्वीकारायला लावा, मदतीसाठी आमच्याशी संपर्क साधा, असे पत्रक विश्व हिंदू परिषदेने तयार केले आहे. पश्चिम बंगालमध्ये विहिंपने लव्ह जिहादविरोधात मोहिम सुरू केली असून या पत्रकांचे वाटप आता घरोघरी करण्यात येणार आहे.
[amazon_link asins=’B0756Z53JN,B0756Z43QS’ template=’ProductCarousel’ store=’policenama-100′ marketplace=’IN’ link_id=’50aae3cc-b0c6-11e8-b3fa-ed4b90ebd01f’]
विश्व हिंदू परिषदेशी संलग्न संघटना दुर्गा वाहिनी आणि बजरंग दल यांनी पश्चिम बंगालमध्ये लव्ह जिहादविरोधात मोहिम उघडली आहे. या मोहिमेंतर्गत घरोघरी जाऊन जनजागृती करण्यात येणार आहे. बिहार आणि ओडिसा येथील विश्व हिंदू परिषदेचे सचिव सच्चिंद्रनाथ सिन्हा हे या मोहिमेसंदर्भात माहिती देताना म्हणाले की, लव्ह जिहादचे भीषण वास्तव जनतेसमोर आणण्याचा आमचा प्रयत्न आहे. लव्ह जिहाद रोखण्यासाठी आम्ही पालकांना काही सूचना दिल्या आहेत. या सूचनांची पत्रके तयार करुन ती घरोघरी वाटली जातील. तसेच ज्या पालकांच्या मुली लव्ह जिहादच्या जाळ्यात अडकल्या त्या पालकांचे समुपदेशन करुन त्यांना कायदेशीर मदत उपलब्ध करुन दिली जाईल. लव्ह जिहादचा प्रकार कसा ओळखावा, त्यापासून मुलींचे रक्षण कसे करावे, मुलगी त्या जाळ्यात अडकली तर काय करावे, याची माहितीही या पत्रकांमध्ये आहे.