Coronavirus : ‘कोरोना’पासून बचावासाठी काही काळ टाळा ‘या’ 11 गोष्टी, जाणून घ्या
File Photoनवी दिल्ली : वृत्तसंस्था – चीनमध्ये उद्भवलेल्या कोरोना विषाणूने आता साथीच्या रोगाचे रूप धारण केले आहे. या कोरोना व्हायरसने भारतासह 100 पेक्षा जास्त देशांना ग्रासले आहे. भारतात आतापर्यंत 60 प्रकरणे नोंदली गेली आहेत. जागतिक आरोग्य संघटनेने कोरोना विषाणूचा साथीचा रोग म्हणून जाहीर केले आहे. डब्ल्यूएचओच्या म्हणण्यानुसार, या विषाणूमुळे 4300 पेक्षा जास्त लोकांचा मृत्यू झाला असून हा रोग एक महामारी म्हणून घोषित करण्यात आला आहे.
कोरोना विषाणूपासून बचाव करण्यासाठी व त्यावर उपचार करण्यासाठी नेमके औषध अद्याप तयार केलेले नाही, म्हणूनच प्रतिबंध हे एकमेव शस्त्र आहे ज्यामुळे त्याचा प्रसार रोखू शकतो. अशा परिस्थितीत ट्विटरवर #canceleverything हा हॅशटॅग ट्रेंड होत आहे. कोरोना विषाणू टाळण्यासाठी जास्तीत जास्त अनावश्यक गोष्टी टाळा, असे आवाहन केले जात आहे. उदाहरणार्थ, परदेशात प्रवास करणे, हॉस्पिटल भेटी, मंदिरे, उद्याने, जत्रा इत्यादी टाळा. वृद्ध आणि आजारी लोकांची विशेष काळजी घ्या. हात मिळविणे टाळा, हाय किंवा हॅलो म्हणा. मार्केटमध्ये जाणे आवश्यक असेल तरच, मास्क घेऊन जा आणि अनावश्यक गोष्टींना स्पर्श करण्यापासून स्वत: ला रोखा.
कोरोना विषाणूचा प्रादुर्भाव झाल्यानंतरच डब्ल्यूएचओने लोकांना शक्य तितके अंतर ठेवण्याचा आणि सॅनिटायझरने आपले हात स्वच्छ ठेवण्याचा सल्ला दिला. एखाद्या व्यक्तीला खोकला, सर्दी इत्यादी असल्यास त्यापासून कमीतकमी 1 मीटर अंतर ठेवा. तर दुसरीकडे, ट्विटरवरील ‘Cancelled’ हॅशटॅशने जोरदार ट्रेंड करत आहे. लोक कुठेही जाणे टाळत आहेत. ते आपली ट्रिप कॅन्सल करीत आहेत. आतापर्यंत या हॅशटॅगसह हजारो ट्विटस आले आहेत. आपणही प्रवास करत असाल किंवा घराबाहेर जात असाल तर या गोष्टी लक्षात ठेवा.
1) खोकला, तापग्रस्त व्यक्तीपासून अंतर ठेवा.
2) शक्य तितके घरीच रहा. जर आपल्याला काही कारणास्तव मार्केटला जायचे असेल तर नक्कीच मास्क घाला.
3) घरी आल्यानंतर सर्वात आधी सॅनिटायझर किंवा साबणाने आपले हात स्वच्छ धुवा.
4) जर एखादी व्यक्ती आजारी असेल तर त्यांना घरीच राहू द्या.
5) आपल्याबरोबर प्रवासासाठी आजारी प्राणी घेऊ नका.
6) आपल्याला ताप, खोकला इत्यादी असल्यास प्रवास करणे टाळा.
7) जर आपल्याला खोकला किंवा सर्दी असेल तर वाटेत कुठेही थुंकू नका. इतर लोकांनाही यामुळे संसर्ग होऊ शकतो.
8) प्रवासादरम्यान मास्क चांगल्याप्रमाणे लावा. तसेच, पुन्हा पुन्हा यास स्पर्श करू नका.
9) प्रवासादरम्यान जर तुम्हाला काही आजार वाटत असेल तर ताबडतोब क्रूशी संपर्क साधा. जेणेकरून आपल्याला वेळेवर उपचार मिळू शकेल.
10) मंदिर, कोणतेही पार्क किंवा फिरणे टाळा. हे आपल्यासाठी धोकादायक असल्याचे सिद्ध होऊ शकते.
11) जास्त गर्दी असलेल्या ठिकाणी जाण्याचे टाळा.
जागतिक आरोग्य संघटनेच्या म्हणण्यानुसार कोविड – 19 चा विषाणू प्रौढांमध्येही वेगाने पसरत आहे. माहितीनुसार, 20 वर्षांपेक्षा कमी वयाच्या लोकांमध्ये व्हायरसचे प्रमाण फक्त 2.1 टक्के आहे.