चीननं हेतुपुरस्सर परदेशात कोट्यावधी ‘कोरोना’ संक्रमित पाठवले : अमेरिका

नवी दिल्ली, वृत्तसंस्था : अमेरिकेचे प्रख्यात अर्थशास्त्रज्ञ आणि डोनाल्ड ट्रम्पचे मुख्य सल्लागार पीटर नवारो म्हणाले की, जगात कोरोना विषाणूचा प्रसार होण्याकरिता चीनने कोरोना विषाणूची लागण झालेल्या लाखो लोकांना जाणीवपूर्वक देशाबाहेर जाऊ दिले. एका वृत्तवाहिनीशी बोलताना नवारो म्हणाले की, अमेरिकन लोकांना त्यांच्या घरात बंदिस्त राहण्यास भाग पाडण्यासाठी आणि नोकरी गमाविण्यासाठी चीनी कम्युनिस्ट पार्टी जबाबदार आहे.

पीटर नवारो म्हणाले की, प्रत्येकाचा असा विश्वास होता की, उन्हाळ्यात व्हायरसचा परिणाम कमी होईल. दरम्यान, हे दिसून आले नाही. हा विषाणू शस्त्रासारखा दिसतो. नवारो पुढे म्हणाले कि, जेव्हा चीनने आपल्या देशातील प्रवासावर बंदी घातली होती, तेव्हा त्याने कोट्यवधी चिनी नागरिकांना विमानाने जगभरात पाठवले होते. चीनने स्वत: ला बंदी घातली असताना, त्याने संक्रमित नागरिकांना अमेरिका, इटली आणि इतरत्र जाण्याची परवानगी दिली. यापूर्वी ट्रम्प यांनी चीनला कोरोना विषाणूसाठी अनेक वेळा जबाबदार धरले होते. त्याचबरोबर अमेरिकी सरकारच्या टीकाकारांचे म्हणणे आहे की, अमेरिकन सरकार वारंवार व्हायरस नियंत्रित करण्यात अपयशी ठरल्यामुळे चीनवर व्हायरस नियंत्रित करण्यात अपयशी ठरल्याचा आरोप करत आहे.

यापूर्वी ट्रम्प यांनी एका मुलाखतीत म्हटले होते की, चीनने हेतुपुरस्सर हा विषाणू पसरविला. यापूर्वी, अनेक अमेरिकन अधिकारी असेही म्हणाले होते की, कोरोना चीनच्या लॅबमधून पसरला होता. दरम्यान, चीन असे आरोप सातत्याने नाकारत आहे.

पोलीसनामा न्युज आता टेलीग्रामवर... आमचं चॅनेल (@policenamanews) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.
WhatsAPP
You might also like