Ankita Lokhande Video : अंकिताने साडीमध्ये केला डान्स त्यानंतर लोकांनी सुशांत सिंह राजपूतच्या नावानं केलं ट्रोल
file photoमुंबई : पोलीसनामा ऑनलाइन – टीव्ही अभिनेत्री अंकिता लोखंडे सोशल मीडियावर कायम अ‍ॅक्टिव्ह असते. ती अनेकदा आपले फोटो आणि व्हिडिओ इंस्टाग्रामवर शेअर करते. अलीकडेच अभिनेत्रीने तिच्या डान्सचा व्हिडिओ इन्स्टाग्रामवर शेअर केला होता, ज्यामुळे लोकांनी तिला ट्रोल केले होते. मात्र, गप्प न बसता अंकिताने तिच्या पुढच्या पोस्टमध्ये ट्रोल करणाऱ्यांना उत्तर दिलं आहे.
वास्तविक, व्हिडिओमध्ये अंकिता एका गाण्यावर नाचताना दिसत आहे, ती बर्‍यापैकी आनंदी दिसत आहे. कदाचित हीच गोष्ट ट्रोलर्सला मान्य नव्हती आणि त्यांनी सुशांत सिंह राजपूतच्या नावाने अभिनेत्रीला ट्रोल केले. अंकिताचा हा डान्स व्हिडिओ सोशल मीडियावर चांगलाच व्हायरल होत आहे. व्हिडिओमध्ये अंकिता निळ्या रंगाच्या साडीमध्ये दिसली आहे. अभिनेत्री सोनाक्षी सिन्हाचे गाणे ‘हवा की झोंकें आज से रूठे गये’ वर खूपच चांगला डान्स करत आहे व्हिडिओ पोस्ट करताना अंकिताने लिहिले, ‘साडी, नृत्य, चांगलं म्युझिक .. काय कॉम्बिनेशन आहे.’
आता एकीकडे सुशांतचे चाहते त्याला न्याय मिळावा म्हणून सतत झगडत असताना, अंकिताचा हा व्हिडिओ चाहत्यांना अजिबात पसंत नव्हता आणि त्यांनी अभिनेत्रीबद्दल तिरस्कारही व्यक्त केला. कोणीतरी म्हटले की ती सुशांतला विसरली आहे, तर कोणी म्हटलं की तीही इतर मुलींसारखी आहे ज्यांनी फक्त लक्ष वेधण्यासाठी हे सर्व केले. अंकिताने तिच्या पुढील पोस्टवर याला प्रत्युत्तर दिले.
या व्हिडिओसाठी ट्रोल झाल्यावर अंकिताने इंस्टाग्रामवर आणखी काही फोटो शेअर केले आहेत, ज्यामध्ये ती बरीच आनंदी दिसत आहे. हे फोटो पोस्ट करताना अभिनेत्रीने लिहिले की, ‘अखेरीस लोक तरीही तुम्हाला जज करतीलच, म्हणून इतरांना प्रभावित करण्यासाठी तुमचे आयुष्य जगू नका, इतरांवर प्रभाव टाकत तुमचे जीवन जगा’.