बीड (गेवराई) : पोलीसनामा ऑनलाइन – बीड, परळीसह इतर परजिल्ह्यामध्ये दुचाकीची चोरी करणाऱ्या दोन अट्टल चोरट्यांना स्थानीक गुन्हे शाखेने बेड्या ठोकल्या आहेत. ही कारवाई गेवराई परिसरात सोमवारी रात्री करण्यात आली. त्यांच्याकडून तीन लाख रुपये किंमतीच्या 7 दुचाकी जप्त केल्या आहेत. बाळु महादेव मिंदर (वय-21), देविदास लिंबाजी पवार (वय-25 दोघे रा. जातेगाव, ता. गेवराई जि. बीड) असे अटक करण्यात आलेल्या आरोपींची नावे आहेत.
अटक करण्यात आरोपींनी परळीसह इतर तालुके आणि परजिल्ह्यातून साथीदारांच्या मदतीने दुचाकी चोरल्याची कबुली दिली आहे. आरोपी हे त्यांच्या इतर साथिदारांच्या मदतीने चोरलेल्या दुचाकी फायनान्सच्या असल्याचे सांगून जातेगाव या ठिकाणी विक्री करत होते. याची माहिती स्थानिक गुन्हे शाखेच्या पथकला मिळाल्यावर पोलिसांनी सापळा रचून आरोपींना अटक केली. आरोपींनी वेगवेगळ्या ठिकाणाहून दुचाकी चोरल्याचा संशय असून आणखी गुन्हे उघडकीस येणाची शक्याता पोलिसांनी वर्तवली आहे.
आरोपींना पुढील तपासासाठी परळी ग्रामीण पोलिसांच्या ताब्यात देण्यात आले आहे. ही कारवाई पोलीस अधीक्षक हर्ष पोद्दार, अपर पोलीस अधीक्षक विजय कबाडे, स्थानिक गुन्हे शाखेचे पोलीस निरीक्षक भारत राऊत यांच्या मार्गदर्शनाखाली सहायक पोलीस निरीक्षक विजय गोसावी, पोलीस कर्मचारी तुळशीराम जगताप, जयसिंग वाघ, भास्कर केंद्र, विकास वाघमारे, कैलास ठोंबरे, सतिष कातखडे, चालक हारके, वंजारे हरळे यांच्या पथकाने केली.
Visit : Policenama.com
- ‘या’ व्यायाम प्रकाराने लाभते दिर्घायुष्य, जाणून घ्या 5 आरोग्यदायी फायदे
- सतत ‘एनर्जी ड्रिंक’ घेतल्याने कमी होते मेंदूची कार्यक्षमता, ‘या’ 3 गोष्टी लक्षात ठेवा
- हिवाळ्यात ‘हे’ 6 आजार ठरू शकतात त्रासदायक, ‘हे’ उपाय आवश्य करा
- योगासने सुरु करण्यापूर्वी आणि नंतर ‘ही’ काळजी घ्या, लक्षात ठेवा ‘या’ 6 गोष्टी
- ‘हे’ आहेत थंड पाण्याचे 5 दुष्परिणाम आणि गरम पाण्याचे तब्बल 14 फायदे
- गुलाबी थंडीत असे सांभाळा तुमचे आरोग्य, ‘हे’ 7 पदार्थ आवश्य सेवन करा
- वजन घटवण्यासाठी ‘या’ 7 टिप्स, केवळ दररोज चालण्याने जळतील 500 कॅलरीज !