पुणे : पोलीसनामा ऑनलाइन – पुण्यात वाहने जाळण्याचे सत्र सुरु असून अज्ञाताकडून दुचाकी जाळून परिसरात दहशत पसरवण्यात येत आहे. रविवारी पहाटेच्या सुमारास पुणे येथील पौड रोड परीसरातील म्हातोबा नगर भागात रस्त्यालगत पार्किंग केलेल्या दुचाकी वाहनांचे नुकसान करत आग लावल्याचा धक्कादायक प्रकार उघडकीस आला आहे. याप्रकरणी संकेत ज्ञानोबा उभे (वय-26 रा. पुणे) यांनी कोथरुड पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, पौड रोड परीसरातील म्हातोबा नगर भागातील किष्किंदा पोलीस चौकच्या परिसरात आज पहाटे पावणे चारच्या सुमारास काही अज्ञात व्यक्तींनी रस्त्यालगत पार्किंग केलेल्या चार दुचाकींना आग लावण्यात आली. या घटनेत चार दुचाकी जळून खाक झाल्या तर पाच दुचाकींचे नुकसान झाले आहे.
या परिसरात वाहनांची तोडफोड करून वाहने जाळण्याचे प्रकार अनेकदा घडले आहेत. परिसरात दहशत पसरवण्यासाठी अज्ञातांकडून वाहनांची तोडफोड करून जाळली जात आहेत. त्यामुळे या परिसरातील नागरिकांमध्ये भीतीचे वातावरण आहे. वाहने जाळण्याचा प्रकार टवाळखोर गुन्हेगारांच्या वर्चस्व वादातून झाला असल्याची माहिती नागरिकांनी दिली आहे. वाहनांची जाळपोळ करणाऱ्या आरोपींना लवकरात लवकर अटक करावी अशी मागणी देखील नागरिकांनी केली आहे. पुढील तपास कोथरुड पोलीस ठाण्याचे वरिष्ठ पोलीस निरीक्षक प्रतिक्षा जोशी करत आहेत.
फेसबुक पेज लाईक करा – https://www.facebook.com/policenama/
- दातदुखी दूर करण्यासाठी ‘या’ तेलाचा होतो फायदा ! ‘हे’ आहे ६ फायदे
- तुम्हाला ‘रेड टी’ माहित आहे का? ‘हे’ आहेत ५ आरोग्यदायी फायदे
- कपड्यांना येणारी दुर्गंधी दूर करण्यासाठी ‘या’ ७ घरगुती टिप्स !
- आठवड्यातून ५ वेळा गरम पाण्याने आंघोळ केल्यास होतो ‘हा’ फायदा
- छोट्या-छोट्या गोष्टींवर रडू येते का? ‘ही’ आहेत ९ कारणे, जाणून घ्या
- ‘योगा’मुळे कमी होते नैराश्याची तीव्रता, ‘हे’ आहेत ५ परिणाम
- भुकेमुळे राग येत असेल तर करा ‘हे’ ५ उपाय, जाणून घ्या