जापानमध्ये ‘हागिबिस’ चक्रीवादळामुळे 11 ठार, 1 लाखाहून अधिक लोकांना वाचवलं, भूकंपानं वाढवली दहशत

टोकियो : वृत्तसंस्था – जपानच्या बर्‍याच भागांतील ‘हागिबिस ‘ चक्रीवादळाने नुकसान केले आहे. वादळ आणि पावसामुळे आतापर्यंत 11 लोकांचा मृत्यू , 100 हून अधिक जखमी आणि किमान 17 लोक बेपत्ता आहेत. सुमारे 1 लाख 70 हजार लोकांना सुरक्षित ठिकाणी पाठविण्यात आले आहे. सरकारने तातडीने मदतकार्य करण्याचे आदेश दिले आहेत. शनिवारी संध्याकाळी वादळाच्या पार्श्वभूमीवर टोकियो आणि त्याच्या आसपासच्या भागातही 5.7 तीव्रतेचा भूकंप जाणवला. यामुळे लोकांमध्ये घबराट पसरली आहे.

वादळाच्या आगमनापूर्वी जोरदार पाऊस पडल्यामुळे त्याचा परिणाम झाला. जपानमध्ये सध्या रग्बी वर्ल्ड कप सुरू आहे. चक्रीवादळामुळे इंग्लंड-फ्रान्स आणि न्यूझीलंड-इटली हे सामने रद्द करण्यात आले आहेत. या वादळामुळे टोकियो परिसरातील सर्व उड्डाणे थांबविण्यात आली आहेत. रेल्वे वाहतुकीवरही परिणाम झाला आहे .

जपानच्या हवामान खात्याने (जेएमए) सांगितले की, स्थानिक वेळेनुसार सुमारे सात वाजण्यापूर्वी वादळाने मुख्य होन्शु बेटावर जोरदार तडाखा दिला. त्यानंतर तो टोकियोहून इज नावाच्या द्वीपकल्पात दक्षिणेकडे वळाले. वादळ समुद्र किनारी पोहोचण्यापूर्वी ते ताशी 216 किमी वेगाने धावते.

जेएमएचे अधिकारी यासुशी काजीवारा यांनी पत्रकारांना सांगितले की, “शहरात मुसळधार पावसामुळे शहरे व खेड्यांसाठी आपत्कालीन ईशारा देण्यात आला आहे.”

Visit : Policenama.com 

पोलीसनामा न्युज आता टेलीग्रामवर... आमचं चॅनेल (@policenamanews) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.
W3Schools
You might also like