UP Assembly Speaker | युपी विधानसभा अध्यक्षांचं खळबळजनक वक्तव्य; म्हणाले – ‘…तर राखी सावंत महात्मा गांधी यांच्यापेक्षाही मोठी झाली असती’
उत्तर प्रदेश : वृत्तसंस्था – UP Assembly Speaker | ‘जर कोणी फक्त कमी कपडे घालून महान बनत असतं तर बॉलिवूड अभिनेत्री राखी सावंत महात्मा गांधी यांच्यापेक्षाही मोठी झाली असती’, असं खळबळजनक वक्तव्य युपीचे (UP Assembly Speaker) विधानसभा अध्यक्ष ह्रदय नारायण दिक्षित (Hriday Narayan Dixit) यांनी केलं आहे. रविवारी झालेल्या उन्नाव येथील बांगरमाऊ विधानसभा मतदारसंघात प्रबुद्ध वर्ग संमेलना दरम्यान दीक्षित हे विधान केलं आहे. यावेळी त्यांच्या भाषणाचा व्हिडिओ समाज माध्यमांवर प्रसारित झाला आहे. यावरुन सर्वत्र त्यांच्यावर टीका होत आहे. मात्र, ह्रदय नारायण दिक्षित (Hriday Narayan Dixit) यांनी ट्विटच्या माध्यमातुन याबाबत स्पष्टीकरण दिलंय.
सोशल मीडियावर काही जण माझ्या एका भाषणाचा व्हिडिओ व्हायरल करत आहेत. पंरतु, हा व्हिडीओ जो संदर्भहीन आहे. खरंतर हा व्हिडीओ उन्नावच्या प्रबुद्ध परिषदेतील माझ्या भाषणाचा फक्त एक भाग आहे. ज्यात परिषदेच्या संचालकाने माझी ओळख करून देताना मला ‘एक प्रबुद्ध लेखक’ म्हणून संबोधलं आहे. यापुढे आपल्या भाषणात राखी सावंत आणि महात्मा गांधी यांच्याबद्दलचं विधान का केलं? याचं कारणही दीक्षित यांनी सांगितलं आहे. असं त्यांनी ट्वीटमध्ये म्हटलं आहे.
मैंने इसी बिंदु से बात आगे बढ़ाते हुए कहा कि कुछ पुस्तकों और लेखों के लिखने से ही कोई प्रबुद्ध नहीं हो जाता। महात्मा गांधी कम कपड़े पहनते थे। देश ने उन्हें 'बापू' कहा। लेकिन इसका अर्थ यह नहीं राखी सावंत भी गांधी जी हो जाएंगी।
— Hriday Narayan Dixit (@Speaker_UPLA) September 19, 2021
पुढं दिक्षित (Hriday Narayan Dixit) यांनी ट्वीटमध्ये म्हटलं आहे की, पुस्तकं आणि लेख लिहून कोणीही ज्ञानी होत नाही.
महात्मा गांधी कमी कपडे घालायचे. देशाने त्यांना ‘बापू’ म्हटलं.
पण याचा अर्थ असा नाही की राखी सावंतही गांधीजी होतील.
मित्रांनो, कृपया माझं हे भाषण केवळ वास्तविक संदर्भात स्वीकारा”, असं म्हणत दीक्षित (UP Assembly Speaker) यांनी आपल्या विधानाबाबत स्पष्टीकरण दिलंय.
पंरतु या वादग्रस्त वक्तव्यानंतर त्यांच्यावर मोठ्या प्रमाणात टीका केली आहे.
Pune Crime | किरकोळ वादातून निगडीत 5 जणांकडून एकाचा खून