वाराणसी : वृत्तसंस्था – उत्तर प्रदेशच्या दहशवाद विरोधी पथकाने मोठी कारवाई करत एका आयएसआय एजंटच्या मुसक्या आवळल्या आहेत. हा एजंट पाकिस्तानच्या गुप्तचर विभागाशी संपर्कात असल्याची माहिती भारतीय गुप्तचर विभागाला मिळाली. त्यानंतर ही कारवाई करण्यात आली असून सध्या या एजंटची कसून चौकशी सुरु करण्यात आली आहे.
मिळालेल्या माहितीनुसार, रशीद अहमद असे या आयएसआय एजंटचे नाव असून तो चंदौली जिल्ह्यातील चौरहण येथील रहीवासी आहे. तो 2018 मध्ये कराचीत राहणाऱ्या मावशीकडे गेला होता. त्याठिकाणी तो आयएसआयच्या संपर्कात आला. मार्च 2019 मध्ये पैशांच्या बदल्यात तो भारतातील महत्त्वाची ठिकाणे, सैन्याच्या महत्त्वाच्या ठिकाणांचे फोटो पाठवण्याचे काम करत होता. या माहितीच्या मोबदल्यात पाकिस्तानी गुप्तचर संस्था रशीदला पैशांसह काही मौल्यवान भेटवस्तू पाठवत असल्याचे समोर आले आहे.
रशिद पाकिस्तानच्या संपर्कात
अटक करण्यात आलेल्या रशिदला पंतप्रधान नरेंद्र मोदी यांच्या मतदारसंघातून भारतीय गुप्तचर यंत्रणेने अटक केली आहे. याबाबत एटीएसने दिलेल्या माहितीनुसार, रशिदने आतापर्यंत पाकिस्तानच्या गुप्तचर संस्थेला भारतातील कोणत्या महत्त्वाच्या ठिकाणांची माहिती पाठवली आहे, याबाबत माहिती घेतली जात आहे. एवढेच नाही तर पाकिस्तानकडून रशिदला कोणत्या माध्यमातून पैशांची रसद पुरवली जात होती आणि कोणकोणत्या भेटवस्तू दिल्या गेल्या याची देखील माहिती एटीएसकडून घेतली जात आहे.
- पालकांनो सावधान ! मुलांच्या बौद्धिक क्षमतेबाबत शास्त्रज्ञांनी सांगितले ‘हे’ 6 मुद्दे
- जेवल्यानंतर पिऊ नका थंड पाणी ! ‘हे’ आहेत 4 धोके, जाणून घ्या
- ‘या’ 9 समस्यांवर केवळ एकच सहज सोपा उपाय, जाणून घ्या कोणता
- ‘या’ 4 कारणांमुळे सतत होतो सर्दी-खोकल्याचा त्रास
- मातीच्या तव्यावरील चपाती खाण्याचे 3 फायदे ! अशी घ्या काळजी
- सायकल चालवल्याने ‘या’ 4 रोगांचा धोका होतो कमी ! जाणून घ्या
- हात धुण्यासाठी 20 सेकंदांचा वेळ आवश्यक, ‘या’ 5 स्टेप्स वापरा