नवी दिल्ली : वृत्तसंस्था – उत्तर प्रदेश माध्यमिक शिक्षण परिषद (युपी बोर्ड ) च्या विद्यार्थ्यांच्या उत्तरपत्रिकांची तपासणी करण्याचे काम १६ मार्च पासून चालू करण्यात आले आहे. पण उत्तरपत्रिका तपासणाऱ्या परीक्षकांना उत्तरा ऐवजी चित्रपटातील गाणं लिहल्याचं आढळून आलं. प्रश्नाचे उत्तर माहित नसल्यामुळे विद्यार्थी अजब गोष्टी उत्तर म्हणून लिहित आहेत.
एका विद्यार्थ्याने हायस्कूलच्या हिंदी विषयाच्या कॉपीमध्ये मैं तेरे इश्क में मर न जाऊं कहीं…’ हे गाणे लिहिले, तर दुसर्‍या उत्तराला आणि ‘तेरे जाने का गम और न आने का गम…’ हे गाणे लिहिले. . विद्यार्थ्यांच्या अशा प्रकारच्या प्रतिसादांमुळे परीक्षकांच्या अडचणी वाढत आहेत.
नापास करू नका
ही काही पहिली वेळ नाही जेव्हा उत्तराच्या ऐवजी विद्यार्थ्यांनी पास करण्यासाठी गाऱ्हाणे मांडले आहे. एका विद्यार्थ्याने या वेळी हायस्कुलच्या इंग्रजीच्या उत्तरपत्रिकेत लिहिले आहे की, ‘नापास होण्याची भीती वाटते , पास करा’
यूपी बोर्डाच्या विद्यार्थ्यांच्या उत्तरपत्रिका तपासण्याचे काम 16 मार्चपासून सुरू झाले. मूल्यमापनासाठी बांधलेल्या केंद्रांवर सेनिटायझर्स, लिक्विड हँडवॉश आणि टॉवेल्स देण्यात आले होते. स्वच्छता ही केवळ महाविद्यालयाच्या आवारातच करण्यात आली. यूपीमध्ये कोरोनाची प्रकरणे समोर आली तेव्हा मूल्यांकनात सामील झालेले शिक्षकही चिंतेत पडले.
३ कोटींपेक्षा अधिक उत्तरपत्रिका
राज्यभरात स्थापित 275 केंद्रांवर 3 कोटी 9 लाख 61,577 उत्तरपत्रिकांचे मूल्यांकन केले जाणार होते.त्यासाठी सुमारे 1,46,755 परीक्षक कार्यरत होते.