Coronavirus : UP मध्ये लॉकडाऊनचा नवा फॉर्म्युला, प्रत्येक शनिवार-रविवार बंद राहणार मार्केट अन् ऑफिस

नवी दिल्ली, वृत्तसंस्था : उत्तर प्रदेश सरकार कोरोना विषाणूच्या संसर्गाला सामोरे जाण्यासाठी नव्या योजनेवर काम करत आहे. यूपी सरकार कोरोनाशी सामना करण्यासाठी विकेंड लॉकडाउन फॉर्म्युला राबवित आहे. कोरोना संसर्ग रोखण्यासाठी उत्तर प्रदेशात आता दर आठवड्याला शनिवार आणि रविवारी लॉकडाउन लागणार आहे. या दरम्यान सर्व बाजारपेठा व कार्यालये बंद राहतील. म्हणजेच, राज्यातील सर्व बाजारपेठा आणि कार्यालये आठवड्यातून फक्त पाच दिवस उघडतील. कोरोना संकटाचा सामना करण्यासाठी ही नवीन योजना राबविण्याचा निर्णय घेण्यात आला आहे. असा विश्वास आहे की लवकरच याची अधिकृत घोषणा केली जाईल.

मुख्य सचिव राजेंद्र तिवारी यांनी शुक्रवारी (10 जुलै) रात्री 10 ते सोमवार (13 जुलै) रोजी सकाळी 5 वाजेपर्यंत लॉकडाउनचा आदेश जारी केला आहे . त्यानंतर, असा अंदाज वर्तविला जात आहे की, विकेंडला लॉकडाऊन करण्याची ही योजना दीर्घकाळ सुरु राहील. मुख्यमंत्री योगी आदित्यनाथ यांनीही ट्विट करुन हे संकेत दिले होते. सीएम योगी आदित्यनाथ यांच्या अध्यक्षतेखालील टीम इलेव्हनच्या बैठकीत शनिवार व रविवार रोजी लॉकडाऊन करण्याचा निर्णय घेण्यात आल्याचं सांगण्यात येत आहे. कोरोना संक्रमणाची वाढती घटना लक्षात घेता ट्रान्समिशन साखळी तोडण्यासाठी हा निर्णय घेण्यात आला आहे.

दरम्यान, उत्तर प्रदेशापूर्वी कर्नाटक सरकार देखील शनिवार व रविवार लॉकडाउन फॉर्म्युला अवलंबत आहे, कर्नाटक सरकारने आधीच शनिवार व रविवारी लॉकडाउन लादण्याची घोषणा केली आहे. कर्नाटकात 2 ऑगस्टपर्यंत सर्व बाजारपेठा व कार्यालये शनिवारी व रविवारी बंद राहतील.

पोलीसनामा न्युज आता टेलीग्रामवर... आमचं चॅनेल (@policenamanews) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.
WhatsAPP
You might also like