देशासाठी चांगली बातमी ! अमेरिकेच्या सायबर ‘डुप्लोमॅट’नं जगातील सर्वच टेलिकॉम कंपन्यांना चीन ऐवजी ‘या’ भारतीय कंपनीचे मॉडेल वापरण्याचं केलं आवाहन

नवी दिल्ली : वृत्तसंस्था –    अमेरिकेने चिनी टेलिकॉम दिग्ग्ज हुआवेईवर जोरदार टीका करत आणि 5 जी इन्फ्रास्ट्रक्चरमध्ये अविश्वसनीय चिनी उपकरणांच्या वापराविषयी चेतावणी देताना जगातील टेलिकॉम ऑपरेटरला भारतीय कंपनी रिलायन्स जिओच्या 5 जी टेम्पलेटचा अवलंब करण्याचे आवाहन केले आहे. अमेरिकेचे अव्वल सायबर एक्सपर्ट रॉबर्ट एल. स्ट्रीयर यांनी सांगितले कि “मला वाटते रिलायन्स जिओकडून मिळालेला धडा म्हणजे 5 जी तंत्रज्ञानाविषयी रहस्यमय काहीही नाही, त्यात 4 जी तंत्रज्ञानासारखेच घटक आहेत, फक्त ते वेगवेगळ्या स्तरावर विकसित झाले आहे.

स्ट्रायर जिओच्या 100 टक्के मेड-इन-इंडिया 5 जी सोल्यूशनवर अमेरिका मूल्यांकन सादर करीत होते, ज्याची घोषणा रिलायन्सचे अध्यक्ष मुकेश अंबानी यांनी 15 जुलै रोजी कंपनीच्या 43 व्या एजीएममध्ये केली. स्ट्रायर हे अमेरिकेचे सायबर व आंतरराष्ट्रीय कम्युनिकेशन्स अँड इन्फॉरमेशन पॉलिसीचे उप सहाय्यक सचिव आहेत. ते आंतरराष्ट्रीय सायबर सुरक्षा, इंटरनेट, डेटा आणि प्रायव्हसी धोरणावर अमेरिकेसाठी आंतरराष्ट्रीय सरकारांशी चर्चेचे नेतृत्व करतात. त्यांच्या कामकाजाचा एक मोठा भाग म्हणजे यूएस मधील इतर देशांना 5 जी नेटवर्कसाठी गैर-हुआवेई उपकरणांमध्ये गुंतवणूक करणे समाविष्ट आहे.

ते म्हणाले, “आमची मोहीम 5 जीच्या दिशेने जाण्यावर केंद्रित आहे, पण आम्हाला जाणीव आहे की. 3 जी आणि 4 जी पायाभूत सुविधांचा परिणाम 5 जीच्या दिशेने परिणाम टाकेल.” म्हणून आम्ही सरकारांना आणि टेलिकॉम ऑपरेटरना अविश्वासू विक्रेत्यांकडून विश्वासू विक्रेत्यांपर्यंत कसे पोहोचता येईल यासाठी प्रोत्साहन देत आहोत. 5 जीसाठी केवळ विश्वसनीय विक्रेत्यांचा वापर करण्याच्या निर्णयाबद्दल अमेरिकेने स्पेनमधील टेलिफेनिका, फ्रान्समधील ऑरेंज, भारतातील जिओ, ऑस्ट्रेलियामधील टेलस्ट्र्रा, दक्षिण कोरियामधील एसके आणि केटी, जपानमधील एनटीटी आणि कॅनडा आणि सिंगापूरमधील टेलिकॉम ऑपरेटरचे कौतुक केले. आहे

दरम्यान, स्ट्रायर यांच्या टिप्पण्या अशा वेळी आल्या आहेत, जेव्हा लंडनमधील अमेरिकेचे परराष्ट्रमंत्री माईक पोम्पीओने चीनला भारताला धमकावण्यासाठी आणि हुवावे आणि झेडटीईसारख्या अविश्वसनीय चिनी आयटी कंपन्यांवर निशाणा साधला. शून्य चायनीज इनपुट असलेल्या जिओ मॉडेलवर, स्ट्रायरने भारतातील एंटीना, बेस स्टेशन, बॅकहॉल, कोर सर्व्हर आणि नेटवर्क मॅनेजमेन्टचे स्वदेशी उत्पादन आणि त्यांना जागतिक बाजारपेठ होण्यासाठी संधीची नोंद केली. पुढच्या वर्षी सरकार आणि टेलिकॉम ऑपरेटर 5 जी साठी काय घडणार आहे, याचा परिणाम दशकांनतर नाही तर वर्षानुवर्षे जाणवेल, असे स्टीयरर म्हणाले.

स्ट्रायकर म्हणाले, वातावरण हुआवेई विरुद्ध होत आहे. चिनी कम्युनिस्ट पक्षाच्या पाळत ठेवण्याची यंत्रणा आणि माहिती दडपण्याच्या धमक्यांविषयी जग जागृत होत आहे. ते म्हणाले, 5 जी नेटवर्कच्या कोणत्याही भागात हुआवेई आणि जेडटीई सारख्या अविश्वसनीय, उच्च-जोखीम विक्रेतांना परवानगी दिल्यास संवेदनशील सरकारी, व्यावसायिक आणि वैयक्तिक-स्तरीय माहिती धोक्यात येऊ शकते आणि त्याच वेळी ही यंत्रणा व्यत्यय, हेरफेर आणि हेरगिरीच्या कक्षेत येऊ शकते.