टीकेनंतर आता कारवाईची धमकी, भारतासह ‘हे’ 6 देश अमेरिकेच्या ‘रडार’वर
file photoपोलीसनामा ऑनलाईन : अमेरिकन व्यापार प्रतिनिधीने (USTR) भारत आणि इतर काही देशांना प्रस्तावित व्यापारी कारवाईचा इशारा दिला आहे. त्यांनी ई-कॉमर्स कंपन्यांवर समानता शुल्क / डिजिटल सेवा कर लावण्याची तयारी दर्शविली आहे. यूएसटीआरने भारतासह 6 देशांविरूद्ध प्रस्तावित व्यापार कारवाईसंदर्भात नोटीस बजावली असून याबाबत जनतेच्या प्रतिक्रिया मागितल्या आहेत. कथित डिजिटल कराच्या मुद्द्यावरून अमेरिका, भारत, इटली, तुर्की यासारख्या देशांवर टीका केली आहे.
यूएस व्यापार प्रतिनिधीने (यूएसटीआर) दावा केला की, डिजिटल सेवांवर भारत, इटली आणि तुर्की कर आकारणे अमेरिकन डिजिटल कंपन्यांविरूद्ध भेदभाव करणारा आहे. यूएसटीआरने एका निवेदनात म्हटले आहे की, ते संभाव्य व्यापार कारवाईवर सार्वजनिक नोटीसच्या आणि टिप्पणीच्या प्रक्रियेवर पुढे जात आहे, जे नंतर तपासणी पूर्ण करण्यासाठी एक वर्षाच्या वैधानिक कालावधीपूर्वी प्रक्रियात्मक पर्याय प्रदान करेल.
यूएसटीआरच्या या इशाऱ्यावर शनिवारी सरकारी सूत्रांनी सांगितले की भारत भागधारकांसह प्रस्तावित कारवाईचा आढावा घेईल. त्यानंतर, ते देशाच्या व्यापार आणि व्यावसायिक हित आणि लोकांच्या एकूण हिताच्या आधारे योग्य उपाययोजना करतील. जून 2020 मध्ये अमेरिकेने यूएस बिझिनेस लॉ 1974 च्या कलम 301 अंतर्गत डिजिटल सेवेच्या कर आकारणीबाबत चौकशी सुरू केली. भारत, इटली, तुर्की, ब्रिटन, स्पेन आणि ऑस्ट्रिया अशा करांचा विचार करीत आहेत.
यूएसटीआर म्हणतो की डिजिटल सेवांवरील भारताची कर प्रणाली अमेरिकी कंपन्यांपेक्षा भिन्न आहे आणि आंतरराष्ट्रीय करांच्या तत्त्वांनुसार नाही. दरम्यान 2016 मध्ये भारत सरकारने परदेशी ई-कॉमर्स कंपन्याच्या व्यवहार करण्यावर, उत्पन्न करात आणण्यासाठी डिजिटल सेवांवर इक्वलाइजेशन फी आकारण्यास सुरुवात केली.