‘फाटलेली जीन्स घालतात महिला’, हे कसले संस्कार? – उत्तराखंडचे मुख्यमंत्री तिरथ सिंह रावत

पोलीसनामा ऑनलाईन – उत्तराखंडचे नवे मुख्यमंत्री तिरथ सिंह रावत सातत्याने मथळे बनवित आहेत. आधी अचानक मुख्यमंत्री होण्यावर चर्चा झाली, तर आता तिरथ सिंह रावत आपल्या वक्तव्यामुळे चर्चेत आले आहेत. उत्तराखंडच्या मुख्यमंत्र्यांनी आता असे विधान केले आहे की आजकाल महिला फाटलेल्या जीन्स घालतात, हे सर्व ठीक आहे…. हे कोणते संस्कार आहेत?

बाल अधिकार संरक्षण आयोगाच्या कार्यशाळेचे उदघाटन मुख्यमंत्री तिरथ सिंह रावत यांच्या हस्ते झाले. यावेळी ते बोलत होते. ते म्हणाले की, मुलींवर संस्कार कसे होतात हे त्यांच्या पालकांवर अवलंबून असते.

त्यावेळी त्यांनी एक घटना सांगितली. मुख्यमंत्री म्हणाले, जेव्हा ते एका विमानातून उड्डाण करत होते, तेव्हा त्यांना एक बाई आपल्या दोन मुलांसोबत बसलेली दिसली. त्यांनी फाटलेली जीन्स घातलेली होती. जेव्हा मी त्यांना विचारते की, ताई कुठे जायचे आहे? तेव्हा त्या महिलेने उत्तर दिले की, तिला दिल्लीला जायचे असून तिचे पती जेएनयूमध्ये प्राध्यापक आहेत आणि त्या स्वतः स्वयंसेवी संस्था चालवतात.

मुख्यमंत्री तिरथ सिंह रावत पुढे म्हणाले, मला वाटले की जी महिला स्वयंसेवी संस्था चालवते आणि फाटलेली जीन्स घालते ती समाजात कोणती संस्कृती पसरवले? जेव्हा आम्ही शाळेमध्ये शिकत होतो तेव्हा असे नव्हते.

पाश्चिमात्य संस्कृतीकडे वळत आहेत युवक
उत्तराखंडचे मुख्यमंत्री तिरथ सिंह रावत यांनी तरुणांना संबोधित करताना सांगितले की तरुण वर्ग पाश्चिमात्य संस्कृतीकडे वळत आहे. मुलांना नशा करण्यापासून तसेच सर्व विचलित कृत्यांपासून वाचविण्यासाठी त्यांना संस्कार द्यावे लागतील. तसेच आपल्यावर पाश्चिमात्य संस्कृतीचा प्रभाव पडू नये. पुढे ते म्हणाले की, ज्या मुलांवर संस्कार झाले आहेत ती जीवनाच्या कोणत्याही क्षेत्रात असफल होणार नाहीत.

तिरथ सिंह रावत म्हणाले की, चिंताजनक बाबा म्हणजे आपल्या देशातील तरुण पाश्चिमात्य संस्कृतीतून प्रभावित होत आहेत. मुख्यमंत्री म्हणाले, मादक पदार्थांच्या व्यसनाधीन मोहिमेमध्ये केवळ सरकारी प्रयत्न पुरेसे नाहीत. यासाठी सामाजिक संस्था आणि समाजातील मान्यवरांनीही पुढे यावे लागेल.

यापूर्वी तिरथ सिंह रावत यांनी एक वक्तव्य केले ज्यामध्ये त्यांनी पंतप्रधान नरेंद्र मोदींची तुलना भगवान रामशी केले, ही गोष्ट लक्षात घेण्यासारखी आहे.