कल्याण : पोलीसनामा ऑनलाइन – अंडरवर्ल्ड डॉन छोटा राजन याचा वाढदिवस साजरा करताना व्हीडीओ व्हायरल झाला आहे. हा व्हिडीओ नेमका कधीचा आहे. हे त्यातून स्पष्ट होत नाही. त्यामुळे हा व्हिडीओ जुना आहे की आताचा याबाबत साशंकता निर्माण झाले आहे. छोटा राजनचा वाढदिवस हा 5 डिसेंबर रोजी असतो. मात्र त्याचे सर्व समर्थक त्याचा वाढदिवस 13 जानेवारी रोजी साजरा करतात.
आज 13 जानेवारी आाहे. छोटा राजनचे समर्थक केक कापत आहे. केकवर भारताचा नकाशा असून त्यावर छोटा राजनचा फोटो आहे. गुन्हेगारी पार्श्वभूमी असलेला दीपक सपके हा व्हीडीओमध्ये दिसून येत आहे. छोटा राजनला गुन्हेगारी जगतात नाना या नावाने संबोधले जाते. व्हिडीओवर स्ट्रीप येते ती ‘नानासाहेबांचा वाढदिवस’ अशी आहे. विशेष म्हणजे पुण्यातील मुळशी पॅटर्नवर मुळशी पॅटर्न हा चित्रपट मराठीत बराच गाजला. त्यातील ‘भाईचा बड्डे’ हे गाणो या व्हिडीओमध्ये वाजताना दिसत आहे. हा व्हिडीओ जुना की नवा या विषयी सुस्पष्टता नसली तरी हा व्हीडीओ चर्चेचा विषय ठरला आहे.