राखी सावंत झाली भावूक ! ‘हा’ व्हिडीओ शेअर करत म्हणाली – ‘सलमानसारखा मुलगा प्रत्येक घरात जन्मावा’
File Photo मुंबई : पोलीसनामा ऑनलाइन – ड्रामा क्वीन राखी सावंत सध्या खूप भावूक झाली आहे. कारण, तिची आई कॅन्सरशी लढते आहे. आज राखीच्या आईवर मोठी शस्त्रक्रिया होत आहे. या शस्त्रक्रियेद्वारे तिच्या आईच्या शरीरातील कॅन्सर ट्यूमर काढण्यात येणार आहे. राखीने एक व्हिडीओ शेअर करत, ही माहिती दिली आहे. शिवाय सलमान खान आणि सोहेल खान या दोघांचे मनापासून आभार मानले आहेत.
या व्हिडीओत राखीने म्हटले आहे, की “सलमान आणि सोहेल यांच्यामुळेच माझ्या आईचे ऑपरेशन होतेय. त्यांच्यामुळेच माझी आई ठीक आहे. देवाने प्रत्येक घरात सलमान-सोहेल सारखे मुलं जन्माला घालावीत, आज माझ्या आईचे ऑपरेशन आहे. कॅन्सरचा ट्यूमर डॉक्टर काढून टाकतील. मी खूप आनंदात आहेत. आई, आता तुला टेन्शन घेण्याची गरज नाही. तुझ्या शरीरातला कॅन्सर नेहमीसाठी संपणार आहे. मी सलमानला यासाठी धन्यवाद देईल. तूच माझ्या आईचा जीव वाचवला. परमेश्वरामुळे आणि तुझ्यामुळेच आईचे इतके मोठे ऑपरेशन होतेय. तू आम्हाला जगातील सर्वोत्तम डॉक्टर आम्हाला दिलास. मी परमेश्वराला प्रार्थना करते की, भारताच्या प्रत्येक घरात सलमान व सोहेलसारखा मुलगा जन्मास येवो. सलमानच्या कुटुंबाचेही मी आभार मानते़ तुम्ही आमच्यासाठी देवदूत बनून आलात.”
व्हिडीओत राखीची आई भावूक झालेली दिसत आहे. हॉस्पीटलच्या बेडवरून ती बोलतेय. ती म्हणते, “पैसे नव्हते़ मी अशीच मरणार का? ही चिंता होती. अशावेळी परमेश्वराने सलमान खानला एंजल बनवून पाठवले. माझ्यासाठी तो उभा झाला. आज त्याच्यामुळे माझे ऑपरेशन होतेय. सलमान तू सदा आनंदी राहशील. तुझ्यावर तुझ्या कुटुंबावर कोणतेही संकट येऊ नये, यासाठी मी परमेश्वराला प्रार्थना करते. माझा परमेश्वर तुला सांभाळेल.”
राखीची आई गेल्या अनेक दिवसांपासून पोटाच्या कॅन्सरने ग्रस्त आहे. राखी बिग बॉस १४ मध्ये असताना तिला आईची किमोथेरपी व कॅन्सरबद्दल माहित झाले होते. आईच्या उपचारासाठी राखीला पैशांची गरज होती. या पैशासाठीच तिने १०लाख रूपये घेऊन बिग बॉसचा शो सोडला होता. याशिवाय सलमान व सोहल खानने राखीची मदत केली होती. सलमानने राखीच्या आईच्या उपचाराचा सर्व खर्च उचलला.