ताज्या बातम्यामहत्वाच्या बातम्या

PAK : जेव्हा काश्मीर मुद्द्यावर सुरू असलेल्या आंतरराष्ट्रीय वेबिनारमध्ये दुमदुमला ‘जय श्रीराम’चा नारा, पहा Video

indian hackers

नवी दिल्ली, वृत्तसंस्था : पाकिस्तान सतत आंतरराष्ट्रीय व्यासपीठावर आणि इतर अनेक मार्गांनी काश्मीरच्या मुद्द्यावर (Kashmir Issue) भारताला घेराव घालण्याचा प्रयत्न करीत असतो. तथापि, सर्व व्यासपीठांवर भारताकडून पाकिस्तानला चोख प्रत्युत्तर देण्यात येते. आता एका नवीन प्रकरणावर पाकिस्तानात काश्मीर मुद्द्यावर चालू असलेल्या वेबिनारला भारतीय हॅकर्सने लक्ष्य केले. पाकिस्तानने आरोप लावला आहे की भारतीय हॅकर्सनी पुन्हा एकदा पाकिस्तानी साइट हॅक करून ‘जय श्रीराम’ च्या घोषणा दिल्या.

प्रकरण असे आहे की पाकिस्तानी अधिकारी काश्मीरच्या मुद्यावर आंतरराष्ट्रीय चर्चासत्र/ वेबिनार करत होते. व्हिडिओ कॉन्फरन्सिंग साइट झूम वर सेमिनार चालू होता. तथापि, या दरम्यानच मागे काही गाणी सुरू झाली. ही भारतीय गाणी होती ज्यात ‘जय श्रीराम’ च्या घोषणा ऐकू येत होत्या. ही अशी गाणी होती जी भगवान श्रीराम यांच्यासाठी भारतात गायली जातात. सेमिनारला आलेल्या पाहुण्यांना घडीभर असे वाटले की डॉ. वलीद मलिक हेच गाणी वाजवत आहेत आणि त्यांना ते थांबवण्यास सांगितले गेले. तथापि, जेव्हा जय श्रीराम अशा घोषणा ऐकू आल्या तेव्हा सर्वांना समजले.

हम भारतीय हैं तुम रोते रहो..

गाण्यांच्या दरम्यान ‘हम भारतीय हैं’, ‘रोते रहो’ असे आवाजही येत राहिले. या वेळी डॉ. वलीद यांनी सांगितले की ते यास रेकॉर्ड करीत आहेत. नंतर ही क्लिप सोशल मीडियावर बरीच व्हायरल झाली. यापूर्वीही भारतीय हॅकर्सनी पाकिस्तानच्या विद्यापीठांच्या वेबसाइट्स हॅक केल्याचा आरोप आहे.

काश्मीरमधून 370 हटवण्याच्या भारताच्या पावलानंतर पाकिस्तानने गेल्या काही महिन्यांत बर्‍याच आक्रमक प्रतिक्रिया दिल्या आहेत. प्रथम त्यांनी पाकिस्तानचा नवीन नकाशा प्रसिद्ध केला आणि थेट विवादित क्षेत्रांना स्वत:चे क्षेत्र म्हणून घोषित केले. त्याच वेळी आता गिलगिट-बाल्टिस्तानला प्रांताचा दर्जा देण्याचे जाहीर केले. नोव्हेंबरमध्ये येथे निवडणुका घेण्याचेही त्यांनी ठरविले आहे, ज्याचा भारताने नेहमीच विरोध केला आहे.