सपना चौधरीनं ज्यावेळी केला होता आत्महत्येचा प्रयत्न, सुसाइड नोटमध्ये सांगितलं होतं कारण

नवी दिल्ली : वृत्तसंस्था – सपना चौधरी आई झाल्यानंतर त्यांचे वैयक्तिक आयुष्य पुन्हा एकदा चर्चेत आले आहे. 4 ऑक्टोबरला सपना यांनी प्रेमळ मुलाला जन्म दिला. हे ऐकून काही चाहते खूप आनंदित आहेत आणि काहीजण थोडे नाराज झाले आहेत कारण त्यांनी बऱ्याच दिवसांपासून आपली प्रेग्नेंसी लपविली होती. बिग बॉस 11 मध्ये दिसल्यानंतर सपना चौधरीची प्रतिमा बदलली. सपनाची प्रतिमा नेहमीच विवादित डान्सर म्हणून राहिली आहे. 2016 मध्ये, जेव्हा त्यांनी आपले जीवन संपविण्याचा निर्णय घेतला तेव्हा त्यांनी सुसाइड नोट लिहली होती त्यात त्यांनी त्याचे कारण देखील सांगितले होते.

2016 मध्ये जेव्हा त्यांनी विष खाऊन आत्महत्या करण्याचा प्रयत्न केला तेव्हा ते वादात सापडल्या होत्या. विष खाल्ल्यानंतर त्यांना गंभीर अवस्थेत रुग्णालयात दाखल करण्यात आले. 6 सप्टेंबर, 2016 रोजी सपनाने आत्महत्येचा प्रयत्न केला. दुसरा जन्म मिळाल्यानंतर त्यांनी हरियाणाचे दलित नेते सतपाल तंवर यांच्यावर आत्महत्येसाठी आरोप केला होता.

खरं तर, सपना चौधरी यांनी 17 फेब्रुवारी 2016 रोजी गुरुग्राममध्ये एक गाणे गायले होते, त्यानंतर सतपाल तंवर यांनीही गाण्यातील दलितविरोधी शब्द वापरल्याचा आरोप केल्याने एससी / एसटी कायद्यांतर्गत गुन्हा दाखल केला होता.

आत्महत्येच्या प्रयत्नापूर्वी सपनाने एक सुसाइड नोट देखील लिहली होती. या चिठ्ठीत त्यांनी लिहिले होते की, मी माझे जीवन संपवत आहे, ज्यास सामान्य भाषेत आत्महत्या म्हणतात. माझ्या आत्महत्येचे कारण गुडगावचे नवाब सतपाल तंवर आहेत. मी 4 वर्षांपासून डान्स करत आहे. माझ्या आधी रागिनी गायली नव्हती का? माझ्याआधी हरियाणाच्या स्टेजवर डान्सर नाचली नाही का? मग मला प्रत्येक प्रकारे वाईट वागणूक का दिली जात आहे. मी कुणाचे काय नुकसान केले आहे.

पोलिसांच्या या सुसाईड नोटनंतर पोलिसांनी हरियाणाचे दलित नेते सतपाल तंवर यांच्याविरोधात कलम 354 ए, 506 अन्वये गुन्हा दाखल केला होता. परंतु सतपालवर पुढे कोणतीही कारवाई झाली नाही.

सतपालवर कोणतीही कारवाई न झाल्याने सपना दु:खी झाली, त्यांनी सांगितले की, मला सतपालविरूद्ध कारवाई करायची आहे. ते म्हणाले होते की, देवाने मला दुसरे जीवन दिले आहे आणि हे सर्व माझ्या चाहत्यांच्या प्रार्थनाचे परिणाम आहे.