नवी दिल्ली, वृत्तसंस्था : यूपीच्या सहारनपुरात एक खळबळजनक घटना समोर आली आहे. येथे एका व्यक्तीने आपल्या मृत्यूचे कारण आणि आरोपींची नावे सांगत एक व्हिडिओ बनविला आणि तो सोशल मीडियावर अपलोड केला, जो अधिकाधिक व्हायरल झाला आहे. सहारनपूर पोलीस स्टेशन येथील सरसावा परिसरातील कुंडी गावात राहणाऱ्या पंकजने आपला मृत्यू होण्यापूर्वी स्वतःचा एक व्हिडिओ बनविला आणि सोशल मीडियावर व्हायरल झाला. व्हिडिओमध्ये पंकजने आपल्या दोन सख्ख्या मावश्या, एक डॉक्टर आणि दुसर्‍या व्यक्तीवर विष दिल्याचा आरोप केला आहे.
पंकजने मृत्यू होण्यापूर्वी त्याच्या मृत्यूसाठी जबाबदार असणाऱ्या सर्वांवर कारवाई करण्याची मागणी केली असून पोलिस व प्रशासनाने या सर्वांना फाशी द्यावी असे म्हटले आहे. असं बोलताच पंकजचा मृत्यू झाला. असे सांगितले जात आहे की, पंकज काही दिवस आपल्या मावशीच्या घरी थांबला होता. त्याच वेळी पोलिसांनी पंकजच्या मृतदेहाचे पोस्टमॉर्टम केले असून त्याच्या दोन काकू, एक डॉक्टरांसह 4 जणांविरूद्ध आयपीसी कलम 302 अन्वये गुन्हा दाखल केला आहे. या प्रकरणाची चौकशी करून योग्य कारवाई केली जाईल, असे सहारनपूर एसपी सिटी विनीत भटनागर यांचे म्हणणे आहे.