Viral Video : ‘डफली’च्या सुरांवर गाणी म्हणताना दिसले दोन गायक; PM मोदी म्हणाले – ‘खूप छान’

नवी दिल्ली : वृत्तसंस्था – सोशल मीडियावर असे अनेक व्हिडीओ दिवसामध्ये दिसतात ज्यात लोक आपली प्रतिभा दाखवताना दिसत आहेत. यातील बरेचसे विलक्षण व्हिडीओ असे आहेत की, ते लोकांचे लक्ष वेधून घेण्यात सक्षम असतात आणि मग ते व्हायरल होतात. असाच एक व्हिडीओ पुन्हा सोशल मीडियावर व्हायरल झाला असून स्वतः पंतप्रधान नरेंद्र मोदी यांनी ट्विट केला आहे. पीएम मोदी यांनी या व्हिडीओचे खूप कौतुक केले आहे. त्यानंतर आता ते सोशल मीडियावर वेगाने व्हायरल होत आहे.

या व्हिडिओमध्ये दोन लोक भगवान शंकरावर आधारित लोकगीत गात आहेत. एक गायक तारा वाजवत आहे तर दुसरीकडे डफली वाजवत आहे. तैमूरच्या मेहुण्याच्या ट्विटर हँडलवर हा व्हिडीओ शेअर करण्यात आला आहे.

पंतप्रधान मोदींनी हा व्हिडीओ रीट्विट केला आणि लिहले, ”उत्कृष्ट” त्यानंतर व्हिडिओमध्ये दिसलेल्या दोन्ही लोक गायकांचे खूप कौतुक होत आहे.

आतापर्यंत ४० हजाराहून अधिक लोकांना हा व्हिडीओ आवडला आहे. तर ८ हजाराहून अधिक लोकांनी रिट्विट केला आहे. पीएम मोदी सोशल मीडियावर बरेच ऍक्टिव्ह राहतात आणि लोकांशी सतत संपर्कात राहतात. ही बातमी येण्यापूर्वी त्यांच्या आयुष्यावर आधारित चित्रपट बनवणार असल्याची बातमी आली आहे. पीएम प्रेरित ”एक और नरेन” चित्रपटाची निर्मिती लवकर सुरु होईल. या सिनेमात गजेंद्र चौहान मुख्य भूमिकेत दिसणार आहे. प्रख्यात टीव्ही मालिका ”महाभारत” मध्ये गजेंद्र चौहान यांनी युधिष्ठरची भूमिका साकारली होती.

चित्रपट दिग्दर्शक मिलन भौमिक यांनी गुरुवारी पीटीआयला सांगितले की, ”एक और नरेन” चित्रपटाच्या कथेत दोन कथा असणार आहेत, त्यापैकी एक स्वामी विवेकानंदांचे कार्य आणि जीवन नरेंद्रनाथ दत्त यांच्यावर दर्शविणार, तर दुसरे नरेंद्र मोदींचे जीवन दर्शवणार आहे.

या चित्रपटाचे शूटिंग १२ मार्चपासून गुजरात आणि कोलकत्ता येथे सुरु होणार आहे, असे भौमिक यांनी सांगितले. हा चित्रपट एप्रिलमध्ये पूर्ण होईल आणि पंतप्रधान मोदी यांच्या वाढदिवसादिवशी १७ सप्टेंबरला प्रदर्शित होणार आहे. त्याचवेळी गजेंद्र चव्हाण म्हणाले की, गेल्या २० वर्षांपासून ते पंतप्रधान मोदी यांना वयक्तिकरित्या ओळखतात.