नवी दिल्ली : वृत्तसंस्था – पीएलएच्या वतीने यथास्थिति बदलणे हे गलवान खोऱ्यात 15 जूनच्या रात्री भारत आणि चीनच्या सैनिकांमध्ये झालेल्या रक्तरंजित चकमकीमागील कारण असल्याचे म्हटले जाते. परराष्ट्र मंत्रालयाचे म्हणणे आहे की, चीन प्रत्यक्ष नियंत्रण रेषेत (एलएसी) स्थिती कायम ठेवण्याचा एकतर्फी प्रयत्न करीत होता. ज्यामुळे भारतीय सैन्याने त्याला रोखले होते आणि त्यानंतर हिंसक संघर्ष सुरू झाला. त्याचवेळी या रक्तरंजित संघर्षामागील खळबळजनक दावा केंद्रीय मंत्री आणि माजी लष्करप्रमुख जनरल व्ही. के. सिंह यांनी केला आहे. व्ही.के.सिंह म्हणाले की, गलवान खोऱ्यात चिनी सैनिक आपले तंबू हटवत होते आणि त्यादरम्यान तिथे भीषण आग लागली. तंबूत असलेल्या चिनी सैनिकांना आग कशामुळे लागली हे माहित नव्हते. या घटनेमुळे दोन देशांच्या सैनिकांमध्ये हिंसक चकमक सुरु झाल्याचे म्हंटले आहे.
‘तंबूत आग लागल्यानंतर भडकला हिंसाचार’
यावेळी सिंह म्हणाले की, भारत आणि चीन दरम्यान सैन्य कमांडर स्तरीय चर्चेत दोन्ही देशांच्या सीमेजवळ कोणतेही सैनिक तैनात केले जाणार नाहीत, यावर सहमती दर्शविली गेली. परंतु संघर्षाच्या दिवशी जेव्हा भारतीय लष्करी अधिकारी सीमा तपासण्यासाठी गेले, तेव्हा त्यांना आढळले की चीनी सैन्य सहमतीनुसार तेथून गेले नव्हते. चिनी सैनिकांनी तिथे तंबूही ठोकले. भारतीय अधिकाऱ्यांच्या सांगण्यावरून जेव्हा चिनी सैनिकांनी तंबू काढायला सुरुवात केली तेव्हा अचानक आग लागली. यानंतर दोन्ही बाजूच्या सैनिकांमध्ये हिंसक संघर्ष सुरू झाला.
व्हीके सिह यांचा दावा – चीनचे 40 पेक्षा जास्त सैनिक मारले गेले
व्ही.के. सिंग यांनी म्हंटले की, या रक्तरंजित चकमकीत 40 हून अधिक चिनी सैनिक मारले गेले. दरम्यान, गेल्या 15 जून रोजी भारत आणि चीनमधील गलवान खोऱ्यात झालेल्या चकमकीचे वर्णन गेल्या 45 वर्षातील सर्वात भयंकर संघर्ष असल्याचे म्हंटले जात आहे. या घटनेनंतर भारत आणि चीनमधील तणावात लक्षणीय वाढ झाली आहे. एलएससीमुळे दोन्ही देशांनी त्यांची लष्करी संख्या लक्षणीयरीत्या वाढविली. चीनने केलेल्या कोणत्याही कारवाईला उत्तर देण्यासाठी भारताने लडाखमध्ये तीन विभाग तैनात केले आहेत.
सीमेवर तणाव कायम
चीनने तिबेट आणि एलएसी जवळील आपल्या हवाई दलाच्या तळांवर लढाऊ विमान, ड्रोन आणि हेलिकॉप्टर तैनात केले आहेत. सीमेवरील तणाव कमी करण्यासाठी दोन्ही देशांमधील राजनैतिक आणि सैन्य पातळीवरील चर्चा देखील सुरू आहेत, परंतु या दिशेने कोणतेही ठोस यश मिळालेले नाही. भारताने चीनला एक स्पष्ट संदेश दिला आहे की तो त्याच्या सार्वभौमत्वावर आणि क्षेत्रीय अखंडतेशी तडजोड करणार नाही. पंतप्रधान नरेंद्र मोदी यांनी रविवारी आपल्या ‘मन की बात’मध्ये म्हटले आहे की,’ जर भारताला मैत्री कशी टिकवायची हे माहिती असेल तर उत्तर कसे द्यायचे हेदेखील माहित आहे.’