SBI Account मध्ये सबसिडी हवीये ? तर ‘आधार’शी असे करा अकाउंट लिंक, जाणून घ्या प्रक्रिया
नवी दिल्ली : वृत्तसंस्था – सध्या सरकारकडून विविध योजनेच्या माध्यमातून अनुदान (सबसिडी) दिले जात असते. मात्र, SBI अकाउंटमध्ये ‘डायरेक्ट बेनिफिट ट्रान्सफर’ (DBT) म्हणजेच थेट खात्यात सरकारी अनुदान पाहिजे असेल तर तुम्हाला तुमचे अकाउंट आधारकार्डशी लिंक करणे गरजेचे आहे. त्यानुसार, SBI ने आता आधारकार्ड लिंक करण्याचे सांगितले आहे.
SBI ने सांगितले, की DBT प्राप्त करण्यासाठी तुम्हाला बँक खाते आधारकार्डशी लिंक करावे लागणार आहे. SBI चे ग्राहक वेबसाईट, ऍप आणि ATM किंवा बँकेच्या शाखेत जाऊनही आधारकार्ड लिंक करू शकतात. असे असले तरीही सर्वोच्च न्यायालयाच्या निर्णयानुसार, आधारकार्ड बँक खात्याशी लिंक करणे बंधनकारक नसल्याचे सांगितले. मात्र, जर खातेदार सरकारी लाभ घेऊ इच्छितो तर आधारकार्ड लिंक असणे बंधनकारक आहे.
असे करा लिंक…
वेबसाईटवर जाऊन असे करा लिंक –
– स्टेप 1. पहिले www.onlinesbi.com वर जावे.
– स्टेप 2. लॉग-इन करा. माय अकाउंटमधून “Link your Aadhaar number” वर क्लिक करा
– स्टेप 3. अकाउंट नंबर निवडा, आधारनंबर नोंद करा आणि त्यानंतर सबमिट करा.
– स्टेप 4. आता तुम्हाला फोन नंबरच्या शेवटचे दोन अंक दिसतील.
– स्टेप 5. आता लिंकिंगची माहिती तुम्हाला मोबाईल नंबरवर मिळेल.
एटीएम कार्डच्या माध्यमातून करा लिंक –
स्टेप 1. SBI एटीएम डेबिट कार्ड स्वाइप करून आणि पिन नंबर टाका
स्टेप 2. ‘Service Registrations’ निवडा
स्टेप 3. त्यानंतर ‘Aadhaar Registration’ निवडा
स्टेप 4. खाते प्रकार निवडा
स्टेप 5. तुमचा आधार नंबर टाका.
स्टेप 6. आता तुम्हाला तुमच्या मोबाईल फोनवर आधारकार्ड लिंक होण्याचे स्टेट्स मिळेल.
SBI ऍपच्या माध्यमातून करा लिंक…
स्टेप 1. ऍपमधून लॉग-इन करा
स्टेप 2. ‘Requests’ मध्ये जाऊन ‘Aadhaar’ वर क्लिक करा
स्टेप 3. आता ‘Aadhaar linking’ वर क्लिक करा
स्टेप 4. ड्रॉप डाउन लिस्टमध्ये सीआईएफ फॉर्म निवडा
स्टेप 5. आधार नंबर नोंद करा
स्टेप 6. नियम व अटींच्या बॉक्सवर Yes क्लिक करा
स्टेप 7. आधार कार्ड लिंक झाल्याची माहिती तुम्हाला मोबाईल नंबरवर मिळेल.