चोरीसाठी आचारसंहिता ; ‘चोरी’च्या पैशातून गावासाठी केली ‘ही’ योजना

नवी मुंबई : पोलीसनामा ऑनलाइन – लोकसभा निवडणुका आता कोणत्याही क्षणी जाहीर होतील. त्यापाठोपाठ आचारसंहिता लागू होईल. निवडणुक काळात काय काय करायचे नाही, याची मोठी जंत्री निवडणुक आयोगाने घालून दिली आहे. पण, ही पांढऱ्या कपड्यातील लोकांसाठी आहे. अशीच एक आचारसंहिता काळ्या कपड्यातील काही लोकांनी आपली आपणच स्वत:वर घालून घेतली आहे. एन. आर. आय. पोलिसांनी घरफोडी करणाऱ्या टोळीतील दोघांना पकडले. त्यांच्याकडे केलेल्या चौकशीत ही आचार संहिता समोर आली. याशिवाय त्यांनी घरफोड्यांमधून मिळालेल्या पैशांमधून गावामध्ये पाणीपुरवठा योजना राबविल्याचे आढळून आले आहे.

हेही वाचा – पुण्याच्या ग्राहकाकडून बारबालाच्या अपहरणाचा प्रयत्न

या दोघांनी स्वत:साठी आचारसंहिता घालून घेतली असल्याचेही तपासामध्ये उघड झाले. दोघांनीही कोणत्याही स्थितीमध्ये आतापर्यंत एकदाही मराठी माणसाच्या घरी चोरी केलेली नाही. दुपारी ११ ते ३ या वेळेमध्येच घरफोडी करायची. चोरी करताना घरामध्ये कोण नाही हे तपासण्यासाठी बेल दाबायची. घराचा दरवाजा उघडला तर काहीतरी कारण देऊन तेथून पळ काढायचा. बेल दाबल्यानंतर त्या घरातील कोणी आवाज वाढवून बोलले तर त्या घरामध्ये पाळत ठेवून चोरी करायचीच, असा निर्धार ते करत होते.

वाशीमध्ये राहणाऱ्या ज्ञानेश्वरने मूळ गावामध्ये पाणीपुरवठ्यासाठीच्या योजनेला मदत केली होती. तळोजाजवळ घरही खरेदी केल्याचे निदर्शनास आले. अनंत याने केबल व्यवसायासाठीचे साहित्य घेतल्याचेही उघडकीस आले आहे.