Coronavirus : क्वारंटाईनमध्ये काय खावं अन् काय टाळावं ? जागतिक आरोग्य संघटनेनं (WHO) दिल्या ‘या’ 5 टीप्स, जाणून घ्या
पोलीसनामा ऑनलाईन : आजकाल जगभरातील शेकडो लोकांनी कोरोना विषाणूपासून बचाव करण्यासाठी स्वत: ला क्वारंटाईन केले आहे. दरम्यान, घरात बंद राहिल्याने आपल्या जीवनशैली आणि शरीरावर खूप परिणाम होतो. अशा परिस्थितीत, आपण आहार बदलला नाही तर आपल्याला बर्‍याच समस्यांना सामोरे जावे लागेल. यामुळे, डब्ल्यूएचओने खाण्यापिण्याशी संबंधित नवीन मार्गदर्शक सूचना जारी केली आहे जेणेकरून आपण घरामध्ये राहून स्वत: ला निरोगी आणि तंदुरुस्त ठेवू शकाल.
खान-पान कसे असावे ?
डब्ल्यूएचओच्या मते, क्वारंटाईनच्या दरम्यान पॅकेटबंद, डब्बाबंद पदार्थ, मीठ आणि साखरेचे पदार्थ कमी प्रमाणात खावे. घरगुती आरोग्यदायी आणि पौष्टिक आहार घ्या. तसेच, जास्त प्रमाणात चहा आणि कॉफी पिऊ नका. यामुळे पोटाची समस्या उद्भवू शकते.
सर्व प्रथम काय खावे ?
– आहारात जास्तीत जास्त फायबर फ्रुट्स जसे कि, भाज्या, फळे, डाळी, तसेच ओट्स, ब्राउन पास्ता, ब्राऊन राईस, क्विनोआ, संपूर्ण गहू ब्रेड इत्यादी अधिकाधिक फायदेशीर पदार्थ खावेत जे सहज पचतात. हे पचन प्रक्रिया योग्य ठेवते आणि आपल्याला ऍसिडिटी, बद्धकोष्ठता आणि इतर समस्यांपासून वाचवते.
– क्वारंटाईन दरम्यान, शरीराला हायड्रेट ठेवण्यासाठी दिवसभर कमीतकमी ८-९ ग्लास पाणी प्या. तसेच, दिवसातून दोनदा ग्रीन टी, १ ग्लास लिंबूपाणी, १ ग्लास ज्यूस किंवा १ ग्लास दूध प्या.
– जर तुमची इच्छा असेल तर तुम्ही पाण्यात लिंबूवर्गीय फळे, काकडी किंवा औषधी वनस्पती जसे की पेपरमिंट, लैव्हेंडर, रोझमेरी आणि बेरी इत्यादी टाकून पिऊ शकता.
– डब्ल्यूएचओच्या मते, क्वारंटाईन दरम्यान अल्कोहोल पिऊ नका कारण यामुळे कोरोनाचा धोका वाढतो.
– आहारात जास्त व्हिटॅमिन सी आणि व्हिटॅमिन डी फळांचा समावेश करा. हे आपली रोगप्रतिकार शक्ती मजबूत करेल.
– जेवणानंतर गूळ किंवा बडीशेप घ्या. यामुळे अन्न पचविणे सोपे होईल.
काय टाळावे
– रिफाईंड धान्ये जसे कि, मैदा, पांढरा पास्ता, पांढरा तांदूळ आणि पांढरा ब्रेड इत्यादींचे सेवन करू नये.
– कॉफी, चहा आणि कॅफिनेटेड सॉफ्ट ड्रिंक, एनर्जी ड्रिंक्स, कोल्ड ड्रिंक किंवा साखर असणारे पेय देखील टाळा.
– जास्त मीठ खाऊ नका. डब्ल्यूएचओच्या मते, एका दिवसात ५ ग्रॅमपेक्षा कमी मीठ खावे.
– दिवसभरात साखरेचे सेवनही कमी करावे. आपण दिवसभरात ६ चमचे साखर वापरू शकता. जर तुम्हाला गोड खायचे असेल तर गोड फळे, डेझर्ट किंवा मध खा.
– फॅटचे सेवन कमी करा.
– लाल आणि चरबीयुक्त मांस, लोणी, फुल फॅट दूध किंवा इतर दुग्धजन्य पदार्थ, पाम तेल, नारळ तेलाचे सेवन कमी केले पाहिजे.
जेवण बनविण्याचा योग्य मार्ग
– स्वयंपाक करताना अश्या विधीचा प्रयॊग करा ज्यात कमीत कमी प्रमाणात फॅट असेल.
– वाफेवर जेवण शिजवा.
– आगीत ग्रिल करून शिजवावे.
– पदार्थाना जास्त तेलात तळण्याऐवजी कमी तेलात तळा.
– जेवण बनविण्यासाठी रॅप-सीड तेल, ऑलिव्ह ऑईल, सूर्यफूल तेल वापरा.
स्वयंपाक करताना फूड सेफ्टी टिप्स
-. स्वयंपाक करण्यापूर्वी हात चांगले धुवा.
– स्वयंपाकाची भांडी आणि स्वयंपाकघर नियमितपणे स्वच्छ करा.
-. मांस, कच्चे अन्न आणि शिजवलेले पदार्थ रेफ्रिजरेटरमध्ये स्वतंत्रपणे ठेवा.
-. डाळ आणि भाज्या शिजवण्यापूर्वी चांगले स्वच्छ करा.
– गोठविलेले पदार्थ आणि शिजवलेले पदार्थ एकतर ५ डिग्री सेल्सियसपेक्षा कमी किंवा ६० डिग्री सेल्सियसपेक्षा जास्त ठेवा.