मुंबई : पोलिसनामा ऑनलाईन – सारा अली खान मागील काही दिवसापासून चांगलीच चर्चेत आली आहे. साराचा रिलीज झालेला सिनेमा लव्ह आज काल हा जास्त काळ बॉक्स ऑफिसवर चालला नाही. पण आर्यनच्या ऑफ आणि ऑनस्क्रीन केमिस्ट्रीची चर्चा मात्र जोरदार झाली. काही कार्यक्रमाच्या वेळेस साराला चाहत्त्यांकडून भाभी अशी हाक मारण्यात आली.
साराने एका मुलाखतीच्या वेळेस तिच्या आई वडिलांविषयी खुलासा केला आहे. सैफ अली खान आणी अमृता सिंग यांनी १५ वर्षांपूर्वीच घटस्फोट घेतला. दोन्ही मुलांना अमृता यांनीच मोठ केलं आहे. तरी ही सैफ दोन्ही मुलांच्या फार जवळ आहे. एका शो दरम्यान सारा ने तिच्या आई वडिलांचं नातं कसं आहे हे सांगितले आहे, ती म्हणाली ‘मला कॉलेजला सोडायला माझे आई-बाबा आले होते. त्या काळात मी आणि बाबा एकत्र रात्रीचं जेवण करायचो. तेव्हा आमच्या डोक्यात आलं की आईलाही बोलावून घेतलं पाहिजे. आम्ही लगेच आईला फोन लावला. तीही लगेच आली.’ तो काळ फार चांगला होता. सारा २०१४ मध्ये कोलंबिया युनिव्हर्सिटीत शिकायला गेली होती.
आम्ही एकमेकांसोबत फार चांगला वेळ घालवला. ते मला कॉलेजमध्ये सोडून परत भारतात आले. त्यावेळी आई माझी झोपायची खोली आवरत होती तर बाबा लँपचा बल्ब लावत होते. या फार अविस्मरणीय आठवणी आहेत ज्या नेहमीच माझ्यासोबत राहतील असं सारा अली खान म्हणाली.