WHO च्या विशेष दूताने केलं भारताचं ‘कौतुक’, म्हणाले – ‘एवढ्या लवकर लॉकडाऊन लावणं दूरचा विचार’

नवी दिल्ली : वृत्तसंस्था – कोरोना विषाणूचा संसर्ग रोखण्यासाठी मोदी सरकारने गेल्या महिन्यात देशभरात 21 दिवसांचे लॉकडाउन लागू जाहीर केले. सरकारच्या या निर्णयावर विरोधी पक्षांनी टीका देखील केली. असे म्हटले जात होते की, सरकारने कोणतीही तयारी न करता लॉकडाऊन जाहीर केले. तथापि, जागतिक आरोग्य संघटनेचे विशेष दूत डॉ. डेव्हिड नाबरो यांनी सांगितले की, लॉकडाऊन लवकर लागू करणे हा दूरचा विचार होता, यासोबतच सरकारने एक धाडसी निर्णय घेतला होता. या निर्णयामुळे भारतीय लोकांना कोरोना विषाणूविरूद्ध तीव्र लढा देण्याची संधी मिळणार आहे.

भारताचा चांगला निर्णय
एका वृत्तसंस्थेशी बोलताना डेव्हिड नाबरो म्हणाले की, ‘लॉकडाऊन भारतात फार लवकर लागू करण्यात आले. येथे कोरोनाची फारच कमी प्रकरणे आढळली तेव्हा याची अंमलबजावणी झाली. हा नक्कीच भारताचा दूरदर्शी निर्णय होता. या निर्णयाद्वारे लोकांना त्यास होणार्‍या धोक्याविषयी योग्य प्रकारे माहिती मिळेल. त्याचबरोबर हे स्थानिक पातळीवर थांबविण्यात मदत करेल. हे खरे आहे की, बरेच लोक या निर्णयावर टीका करीत आहेत. हे सरकारचे धाडसी पाऊल आहे. कामगारांना प्रचंड त्रास होत आहे. परंतु जर उशीरा लॉकडाऊन झाले असते तर बऱ्याच लोकांनी आपला जीव गमावला असता तसेच ते मोठ्या प्रमाणात पसरले असते.

डेव्हिड नाबारो म्हणाले की, तीन आठवड्यांचे लॉकडाऊन ही योग्य रणनीती आहे. अनेक देशांत लॉकडाऊन योग्य प्रकारे पाळला जात नाही. त्याचा इशारा युरोप आणि अमेरिकेकडे होता. जिथे दररोज हजारो लोक मरण पावत आहे. अमेरिकेत, गेल्या 24 तासांत 1480 लोकांनी आपले प्राण गमावले आहेत.

त्यांचे म्हणणे आहे की, या धोकादायक विषाणूचा संसर्ग येत्या काही दिवसांत संपुष्टात येणार नाही. नाबरो यांच्या म्हणण्यानुसार, या विषाणूबद्दल सध्या काहीही बोलले जाऊ शकत नाही. ते म्हणाले की, ‘उन्हाळ्यात काय होईल माहित नाही. हा विषाणू सध्या फक्त 4 महिने जुना आहे. मला हे पहायचे आहे की उन्हाळ्याच्या हंगामात भारतात कोणत्या प्रकारची परिस्थिती निर्माण होते. हे कमी होईल का? किंवा त्यात फारसा बदल होणार नाही.

पोलीसनामा न्युज आता टेलीग्रामवर... आमचं चॅनेल (@policenamanews) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.
W3Schools
You might also like