हरियाणा : वृत्तसंस्था – हरियाणातील रोहतक भागात थर्टी फर्स्ट च्या रात्री पतीने पत्नीला ठार केल्याची धक्कादायक घटना उघडकीस अली आहे. या घटनेत मृत झालेली महिला तिच्या माहेरी राहत होती. सोमवारी रात्री तीला पतीचा कॉल आला त्याने बाहेर जेवायला जावू असा पत्नीला आग्रह केला. डिनरच्या बहाण्याने तो पत्नीला बाहेर घेऊन गेला.
दोघेही रात्रीच जेवणासाठी बाहेर गेले सकाळ झाली तरी आले कसे नाहीत म्हणून घरच्यांनी शोधाशोध करण्यास सुरूवात केली, शोध घेत असतांनाच शेतातील एका घरात महिलेचा विवस्त्र मृतदेह तिच्या घरच्यांना दिसला. या मृतदेहावर अनेक ठिकाणी वार केल्याच्या खुणा होत्या. माहिती मिळताच स्थानिक पोलिसांनी तात्काळ घटनास्थळी धाव घेतली. पोलिस आणि फॉरेन्सिक टीमने मृतदेहाला पोस्टमॉर्टमसाठी पाठवले आहे. घटनेनंतर पती फरार असून संशयित म्हणून त्यावर गुन्हा दाखल करण्यात आला आहे.