वाकड पोलीस ठाण्यात ३० वर्षीय तरुणीने फिर्याद दिली. त्यानुसार किरण तौर (रा. राहटणी. मूळ रा. शिरगाव थडी, ता. माजलगाव, जि. बीड) याच्या विरोधात गुन्हा दाखल करण्यात आला आहे.
पोलिसांनी दिलेल्या माहितीनुसार, आरोपीने फिर्यादी तरुणीला वारंवार मोबाईल फोनद्वारे संपर्क करत तसेच फेसबुक आणि व्हाट्सअप वरून मेसेज द्वारे शिवीगाळ केली. ‘तू माझा फोन का घेत नाहीस, मी तुला जीवे मारून टाकीन, तू माझी नाही तर कोणाचीच नाही’ अशी धमकी आरोपीने फिर्यादी तरुणीला दिली. तपास वाकड पोलीस करीत आहेत.
हिंजवडी पोलीस ठाण्यात सचिन छाजेड (४५, रा.कोंढवा, पुणे) याच्याविरोधात गुन्हा दाखल करण्यात आला आहे. याप्रकरणी २४ वर्षीय तरूणीने हिंजवडी पोलीस ठाण्यात फिर्याद दिली आहे. फिर्यादी तरुणी आणि आरोपी सचिन हिंजवडीतील एका औषधाच्या दुकानात कामाला होते. सचिन हा सतत कामाच्या बहाण्याने फिर्यादीला स्पर्श करण्याचा प्रयत्न करत होता. त्याच्या या त्रासाला कंटाळून फिर्यादी तरुणीने हिंजवडी पोलीस ठाण्यात फिर्याद दिली. हिंजवडी पोलीस तपास करीत आहेत.