home page top 1

११ वर्षे वयाच्या शाश्वत शिंदे याचा सायकल चालविण्यात जागतिक विश्वविक्रम

पिंपरी : पोलिसनामा ऑनलाइन – पिंपरी-चिंचवड शहरातील शाश्वत चंद्रशेखर शिंदे या अकरा वर्षे वयाच्या बालकाने सलग दहा तास दहा मिनिटे दहा सेकंद सायकल चालवून जागतिक विश्वविक्रमात नोंद केली आहे. दिनांक 27 जानेवारी 2019 रोजी बालेवाडी क्रीडा संकुल येथे सकाळी सहा वाजता शाश्वत याने या विश्वविक्रमाची सुरुवात केली. शाश्वतच्या या विश्वविक्रमाची नोंद वर्ल्ड बुक ऑफ रेकॉर्डस् (लंडन, युके) मध्ये करण्यात आली आहे.

बालेवाडी क्रीडा संकुल येथे सायंकाळी चार वाजता शाश्वत याने हा दहा तास दहा मिनिटे व दहा सेकंदाचा विश्वविक्रम पूर्ण केला. यावेळी उपस्थितांनी टाळ्यांच्या गजरात या विश्वविक्रमाचा गौरव केला. शाश्वत याने हा विक्रम पूर्ण केल्यानंतर वर्ल्ड बुक ऑफ रेकॉर्डस् चेअरमन डॉ. दिवाकरजी सुकूल (लंडन) व ब्रिटिश पार्लमेंट चे सदस्य वीरेंद्र शर्मा (लंडन) आणि वर्ल्ड बुक ऑफ रेकॉर्डस् चे प्रेसिडेंट अॅड. संतोष शुक्ला (सुप्रीम कोर्ट) यांनी दूरध्वनीवरून त्याचे अभिनंदन केले.

हा विश्वविक्रम पूर्ण झाल्यानंतर पिंपरी-चिंचवड शहराचे माजी महापौर योगेश बहल, वर्ल्ड बुक ऑफ रेकॉर्डस् चे व्हाईस प्रेसिडेंट डॉ. आनंद भावसार, विजय तुंगार, अमोल ताकवडे आदींनी शाश्वत शिंदे याला प्रशस्तीपत्र प्रदान करून त्याचा गौरव केला.

या विश्वविक्रम सोहळ्यास उद्योजक आकाश सेंगर, सामाजिक कार्यकर्ते कुणाल मोहोळ, उद्योजक श्रीपाद कुलकर्णी, झुआरी इंडस्ट्रीजचे सर व्यवस्थापक जालिंद्र भोर, मार्केटिंग फेडरेशनचे माजी जिल्हा मार्केटिंग अधिकारी अच्युतराव सालके पाटील, औरंगाबाद उच्च न्यायालयातील जेष्ठ वकील ॲड. सुभाषराव देशमुख, रिलायन्स इंडस्ट्रीजचे भिवसेन तळेकर, आदर्श गाव वडगाव सहानी ता. जुन्नर येथील सरपंच खंडू शिंदे व प्रसिद्ध बांधकाम व्यावसायिक रंगनाथ गावडे, मार्गदर्शक राजू भापकर आदी उपस्थित होते.

शाश्वत चंद्रशेखर शिंदे याचा जन्म 24 जून 2007 चा असून तो एस. एन. बी. पी. इंटरनॅशनल स्कूल मोरवाडी येथे 6 वी इयत्तेत शिकत आहे. सायकलिंग मध्ये विश्वविक्रम करण्याचा त्याचा लहानपणापासूनच मानस होता. शाश्वत याचे वडील चंद्रशेखर शिंदे हे मुंबई व पुणे शहरातील विख्यात आर्किटेक्ट कंपनीचे बिजनेस हेड आहेत. तर त्याची आई सौ. मनीषा चंद्रशेखर शिंदे या ऑल इंडिया आय टी असोसिएशन या संस्थेच्या महाराष्ट्र प्रदेशच्या जॉईंट सेक्रेटरी आहेत.

Loading...
You might also like