Yellow Teeth Home Remedies | दातांचा पिवळेपणा तुमच्यासाठी सुद्धा समस्या बनला आहे का? ‘या’ 6 घरगुती उपायांनी होतील चमकदार
file photoपोलीसनामा ऑनलाइन टीम – Yellow Teeth Home Remedies | दात हा आपल्या शरीराचा अत्यंत महत्त्वाचा भाग आहे. जेंव्हा तुम्ही बोलता किंवा हसता, त्यावेळी लोक तुमच्या दातांवर लक्ष देतात. चांगले आणि चमकदार दात कोणत्याही व्यक्तीच्या सौंदर्यात भर घालतात. परंतु काही लोकांचे दात खूप पिवळे असतात, ज्यामुळे त्यांना कधीकधी लाजिरवाणे वाटते. (Yellow Teeth Home Remedies)
पिवळ्या दातांमुळे लोकांना इतरांसमोर बोलायला आणि हसायला खूप लाज वाटते, त्यामुळे आत्मविश्वास खूप कमकुवत होतो. जर तुमचे दात पिवळे पडू लागले असतील तर काही घरगुती उपायांनी तुम्ही या समस्येपासून सुटका मिळवू शकता आणि चमकदार दात मिळवू शकता. पण हे उपाय घरी करतानाही काळजी घेणे आवश्यक आहे, अन्यथा दातांना इजा होऊ शकते. (Yellow Teeth Home Remedies)
दात पिवळे होण्याची कारणे
1. धूम्रपान (Smoking)
2. तोंडाच्या स्वच्छतेची काळजी न घेणे (Not Taking Care Of Oral Hygiene)
3. अनुवांशिक (Genetic)
4. खराब आहार (Bad Diet)
5. वयानुसार दात पिवळे किंवा काळे पडू लागतात.
दातांचा पिवळेपणा दूर करण्यासाठी उपाय
1. रोज ब्रश (Brush Daily) –
दात पिवळे होण्याचे एक कारण म्हणजे ब्रश न करणे. या समस्येपासून मुक्त होण्यासाठी, दररोज चांगले दात घासणे आवश्यक आहे. काहीही खाल्ल्यानंतर आणि प्यायल्यानंतर तुम्ही दात घासणे आवश्यक आहे. मात्र, आंबट पदार्थ आणि पेये सेवन केल्यानंत लगेच ब्रश करताना काळजी घ्या. अन्यथा यामुळे इनॅमल खराब होऊ शकते. दिवसातून किमान दोनदा 2 मिनिटे दात घासावेत.
2. बेकिंग सोडा (Baking Soda)-
दातांचा पिवळेपणा दूर करण्यासाठी बेकिंग सोडाही उपयोगी पडू शकतो. यासाठी टूथपेस्टच्या वर चिमूटभर बेकिंग सोडा टाकून ब्रश करा. यामुळे दातांच्या वरचा पिवळा थर निघून जातो. हे आठवड्यातून 2 वेळा करा.
3. कोकोनट ऑईल पुलिंग (Coconut Oil Pooling) –
खोबरेल तेल तोंडात फिरवल्याने दातांमधील सर्व बॅक्टेरिया निघून जातात असे म्हटले जाते. त्यामुळे दात पांढरे होण्यास मदत होते. यासाठी चांगल्या प्रतीचे खोबरेल तेल वापरावे. 1 ते 2 चमचे खोबरेल तेल तुमच्या तोंडात 10 ते 30 मिनिटे फिरवा. तेल गिळू नका कारण त्यात तुमच्या तोंडातील विषारी पदार्थ आणि बॅक्टेरिया असतात. यानंतर, गुळणी करा आणि एक ग्लास पाणी प्या आणि नंतर दात घासून घ्या.
4. अ‍ॅपल सायडर व्हिनेगर (Apple Cider Vinegar)-
दातांचा पिवळेपणा दूर करण्यासाठी अ‍ॅपल सायडर व्हिनेगरचा वापर कमी प्रमाणात केला जाऊ शकतो. यासाठी 2 चमचे अ‍ॅपल सायडर व्हिनेगर 150 मिली पाण्यात मिसळा आणि 2 मिनिटे तोंडात फिरवा. यानंतर, पाणी फेकून द्या आणि ब्रश करा.
5 संत्र्याची साल (Orange Peel)-
दातांचा पिवळेपणा दूर करण्यासाठी तुम्ही संत्र्याच्या सालीचाही वापर करू शकता. आंबट फळांमध्ये सायट्रिक अ‍ॅसिड असते, जे दातांचे पिवळेपणा दूर करण्यासाठी खूप फायदेशीर मानले जाते. यासाठी संत्र्याची साल दातांवर हलक्या हाताने 2 मिनिटे चोळा. नंतर चांगला ब्रश करा.
6. कोळसा (Coal) –
दातांचा पिवळेपणा दूर करण्यासाठी तुम्ही अ‍ॅक्टिव्हेटेड चारकोलचा वापर करू शकता. असे मानले जाते की कोळसा तुमच्या दातांवरील डाग काढून टाकू शकतो. यामुळे तोंडातील बॅक्टेरिया आणि टॉक्सिन्सही निघून जातात. यासाठी अ‍ॅक्टिव्हेटेड चारकोल थोडे पाण्यात मिसळा.
नंतर ते तोंडात 2 मिनिटे तोंडात फिरवा आणि नंतर थुंका. अ‍ॅक्टिव्हेटेड चारकोल वापरल्यानंतर तोंड पाण्याने चांगले धुवा.
(Disclaimer : वरील लेखामध्ये सांगितलेले विधी, पध्दती आणि दाव्यांचं आम्ही कुठलंही समर्थन करत नाही. त्यांना केवळ सल्ला म्हणून घ्यावं. अशा पध्दतीच्या कोणत्याही उपचार / औषध / आहारावर अंमल करण्यापुर्वी डॉक्टरांचा सल्ला घेणे आवश्यक आहे.)
Web Title :- Yellow Teeth Home Remedies | how to cure yellow teeth at home here are some effective remedies
Join our WhatsApp Group, Telegram, facebook page and Twitter for every update
Mumbai Crime | बोरीवलीत काळीज पिळवटून टाकणारी घटना; बाळाला दूध पाजत असताना आईला कारने चिरडले