धक्कादायक ! माझ्या मृत्यूस साडू व मेहुणी जबाबदार आहे असे ‘स्टेटस’ ठेवून तरुणाची आत्महत्या
पुणे : पोलीसनामा ऑनलाईन – एका तरुणाने माझ्या मृत्यूस साडू व मेव्हणी जबाबदार आहेत, असे व्हाट्सअॅप स्टेटस ठेवून रेल्वेखाली आत्महत्या केली. या तरुणाने नुकताच न्यायालयात दुसरा विवाह केलेला होता. लग्न झाल्यानंतर १६ व्या दिवशीच त्याने हे पाऊल उचलले. याप्रकरणी दोघांवर आत्महत्येस प्रवृत्त केल्याप्रकरणी गुन्हा दाखल करण्यात आला आहे. चांद रफिक शेख (वय २८) असे आत्महत्या केलेल्या तरूणाचे नाव आहे. याप्रकरणी त्याचे वडील रफिक खलील शेख (वय ५०, रा. तारमळा, थेऊर, ता हवेली) यांनी दिलेल्या फिर्यादीवरुन चांद याचा साडू अकबर शेख व मेहुणी सुुुमय्या ईब्राहिम सय्यद (दोघे रा. सखाराम नगर, थेऊर) यांचे विरोधांत चांद यास आत्महत्येस प्रवृत्त केल्याप्रकरणी गुन्हा दाखल करण्यात आला आहे.
वरिष्ठ पोलीस निरीक्षक सुरज बंडगर यांनी दिलेल्या माहितीनुसार, चांद याचे पहिले लग्न झाले होते. काही कारणांमुळे तीन वषार्पूर्वी त्याने पत्नीला घटस्फोट दिला होता. त्यानंतर २५ जून रोजी त्याने सखाराम नगर, थेऊर येथे राहत असलेल्या सना या तरूणीशी पुणे येथील न्यायालयात विवाह केला होता. बुधवार (३ जुलै) रोजी सकाळी ८ वाजण्याच्या सुमारास तो नेहमीप्रमाणे थेऊर येथील राईज अॅण्ड शाईन कंपनीतील प्रयोगशाळेत कामाला गेला होता. त्या दिवशी दुुपारी २ वाजण्याच्या सुमारास त्याचा साडू व मेव्हणी हे त्याच्या घरी गेले. सनाची आई खूूूप आजारी आहे, तिला दोन दिवसांसाठी पाठवा असे त्यांनी सांगितले.
यांवर रफिक शेख यांनी चांद आल्यानंतर घेऊन जा असे सांगितले. परंतू त्यांनी काही एक न ऐकता तिला घेऊन गेले. सायंकाळी ५ वाजण्याच्या सुमारास रफिक घरी आला. सनाला घेऊन गेल्याचे कळल्यानंतर तो सनाच्या घरी गेला त्यावेळी त्यालाही तिच्या नातेवाईकांनी दोन दिवसांनी पाठवतो असे कारण सांगितले होते. त्यानंतर चांद रफिक पत्नीला आणण्यासाठी वेळोवेळी तिच्या घरी गेला परंतू चांदला सनाशी भेटू दिले जात नव्हते.
अखेर त्याने मोबाईलवर मी आत्महत्या करत आहे. माझ्या मृत्यूस माझा साडू अकबर व मेव्हणी सुमय्या जबाबदार आहे, असे व्हाट्सअॅप स्टेटस ठेवले. काहीवेळाने गणेश कुंजीर यांनी फोन वरुन चांद याने रेल्वेखाली आत्महत्या केली आहे, अशी माहिती दिली. त्याचा मृतदेह कुंजीरवाडी प्राथमिक आरोग्य केंद्राच्या पाठीमागे असलेल्या रेल्वे रूळावर मिळून आला. पोलिसांनी त्याच्या मृत्यूची अकस्मात मयत म्हणून नोंद केली होती.
- पुरुषांनी कधीही खाऊ नयेत ‘हे’ १२ पदार्थ, ‘सेक्स पॉवर’ होते कमी
- फुलकोबीचे ‘हे’ ७ फायदे अनेकांना माहित नसतात, जाणून घ्या
- होय ! फेंगशुईच्या मदतीने वजन होऊ शकते कमी, जाणून घ्या खास उपाय
- गवारीची भाजी ‘या’ आजारांवरही ‘ही’ उपयुक्त, जाणून घ्या १० फायदे
- ‘सेक्स पॉवर’ कमी झाल्यास बिघडू शकते वैवाहिक जीवन, करा ‘हे’ खास उपाय
- तोंड आल्यानंतर ‘हे’ घरगुती उपाय करा, आहेत त्याचे २० फायदे, जाणून घ्या
- ‘या’ तेलाने दूर होऊ शकतो बहिरेपण आणि टक्कल, वाचा इतर ८ फायदे
- अंगणातील ‘ही’ वनस्पती मलेरियावर रामबाण औषध, जाणून घ्या ११ उपाय
- ४० ते ४५ टक्के लोक पोटाच्या विकाराने ग्रस्त, काळजी कशी घ्यावी जाणून घ्या
- जादा टॉपिंग पिझ्झा हृदयासाठी धोकादायक ! हे आहेत ६ वाईट परिणाम
- ‘या’ रोपाचे ८ फायदे ! शांत लागते झोप, मुळव्याधीतही मिळतो आराम