आएशा श्रॉफ एक्स बॉयफ्रेंडमुळे गोत्यात (सीडीआर प्रकरण)

मुंबईः वृत्तसंस्था
कॉल डिटेल्स रेकॉर्ड (सीडीआर) प्रकरणात अभिनेता जॅकी श्रॉफ याची पत्नी आणि टायगर श्रॉफची आई आएशा श्रॉफ गोत्यात आली आहे. एक्स बॉयफ्रेंड साहिल खान सोबतच्या वादामुळे आएशाने अवैध मार्गाने त्याचे कॉल डिटेल्स रेकॉर्ड मिळवले, असे ठाणे पोलिसांचं म्हणणं आहे. या प्रकरणी जबाब नोंदवण्यासाठी ठाणे पोलीस आता आएशा श्रॉफला समन्स पाठवण्याच्या तयारीत आहेत.

२०१४ मध्ये आएशाने साहिल खान याचे कॉल डिटेल्स मिळवले होते. हे डिटेल्स आएशाने फेरतपासणीसाठी वकील रिजवानकडे दिले होते, असा आरोप आहे. आएशा श्रॉफ आणि साहिल खान यांचे संबंध तुटल्यानंतर त्यांच्यात मोठा वाद उफाळून आला होता. या वादामुळेच आएशाने साहिल खान याचे कॉल डिटेल्स रेकॉर्ड (सीडीआर) मिळवल्याचं सांगण्यात येतंय.

माजी अभिनेत्री आणि मॉडेल असलेल्या आएशाने अभिनेता साहिल खान याच्यासोबत एक प्रॉडक्शन कंपनी सुरू केली होती. या कंपनीने ‘जिस देश मे गंगा रहता है’ आणि ‘बूम’ या चित्रपटांची निर्मिती केली. तसंच ‘एक्सक्युज मी’ या चित्रपटात साहिल खानने भूमिकाही केली आहे. आएशासोबत आपले संबंध असल्याचा दावा साहिल खानने केला होता. आएशा ही साहिल खानपेक्षा १७ वर्षांनी मोठी आहे.